വയനാട്ടില് ബോച്ചേ നടത്താനിരിക്കുന്ന ന്യൂ ഇയര് പാര്ട്ടി തടഞ്ഞ് ഹൈക്കോടതി…കരണങ്ങളിതൊക്കെ..
മേപ്പാടിയില് ‘ബോച്ചെ 1000 ഏക്കര്’ എന്ന സ്ഥലത്ത് നടത്താനിരുന്ന സണ്ബേണ് ന്യൂഇയര് പാര്ട്ടി ഹൈക്കോടതി തടഞ്ഞു. പരിസരവാസികള് നല്കിയ കേസിലാണ് കോടതിയുടെ ഉത്തരവ്.
മണ്ണിടിച്ചില് ദുരന്തമുണ്ടായ പ്രദേശത്തിൻ്റെ സമീപം തോട്ടഭൂമി അനധികൃതമായി തരംമാറ്റി നിര്മ്മാണങ്ങള് നടത്തുകയും മണ്ണെടുക്കുകയും ചെയ്തിടത്താണ് പതിനായിരക്കണക്കിന് ആളുകള് പങ്കെടുക്കുന്ന ന്യൂയര് പാര്ട്ടി നടത്തുന്നത്. ഇത് അപകടകരവും ക്രമസമാധാനത്തെ ബാധിക്കുന്നതെന്നും ചൂണ്ടി കാട്ടി പരിപാടി നിര്ത്തിവെയ്ക്കാന് വയനാട് ജില്ലാ ദുരന്തനിവാരണ അതോറിറ്റി ചെയര്മാനായ കളക്ടര് ഇന്നലെ ഉത്തരവിട്ട കാര്യം സ്പെഷ്യല് ഗവ പ്ലീഡര് കോടതിയെ അറിയിക്കുകയായിരുന്നു. പരിപാടികള് നടത്താന് അനുമതി ഇല്ലെന്നും ഇതിലുണ്ട്.
