കേസ് റദ്ദാക്കണം ആര് ശ്രീലേഖ ഹൈക്കോടതിയില്…
തിരുവനന്തപുരം: പോക്സോ കേസിലെ ഇരകളുടെ പേര് വെളിപ്പെടുത്തിയെന്ന കേസിലെ എഫ്ഐആര് റദ്ദാക്കണമെന്നാവശ്യപ്പെട്ട് ബിജെപി കൗണ്സിലര് ആര് ശ്രീലേഖ ഹൈക്കോടതിയെ സമീപിച്ചു. മ്യൂസിയം പൊലീസ് രജിസ്റ്റര് ചെയ്ത കേസ് റദ്ദാക്കണമെന്നാവശ്യപ്പെട്ടാണ് ഹൈക്കോടതിയെ സമീപിച്ചത്. തന്റെ ഭാഗം കേള്ക്കാതെയാണ് പരാതി മജിസ്ട്രേറ്റ് പൊലീസിന് കൈമാറിയതെന്ന് ശ്രീലേഖ ഹര്ജിയില് ചൂണ്ടിക്കാട്ടി. ഹര്ജിയില് ഹൈക്കോടതി മ്യൂസിയം പൊലീസിന്റെ റിപ്പോര്ട്ട് തേടി.
തനിക്കെതിരെ വ്യക്തിഹത്യ നടത്താന് വേണ്ടി മാത്രം ഉയര്ത്തിക്കൊണ്ടുവന്ന പരാതിയാണ് ഇതെന്നും പ്രായപൂര്ത്തിയായവരുടെ പേരുകള് മാത്രമാണ് താന് പറഞ്ഞതെന്നുമായിരുന്നു ശ്രീലേഖ വിഷയത്തില് മാധ്യമങ്ങളോട് പ്രതികരിച്ചത്. ദില്ലി നിര്ഭയ കേസ്, കിളിരൂര്-കവിയൂര് കേസുകള്, ഗോവിന്ദച്ചാമി പ്രതിയായ ട്രെയിനില് വച്ച് കൊല്ലപ്പെട്ട പെണ്കുട്ടി, പെരുമ്പാവൂര് പീഡന കേസ്, തുടങ്ങിയ കേസുകളിലെ ഇരകളുടെ അടക്കം വിവരങ്ങള് പുറത്തുവിട്ടെന്ന പരാതിയിലായിരുന്നു ശ്രീലേഖയ്ക്കെതിരെ തിരുവനന്തപുരം മ്യൂസിയം പൊലീസ് കേസെടുത്തത്.
