താമരശ്ശേരി ചുരത്തിലെ ഹെയര്പിന് വളവുകള് നിവര്ത്തുന്നു.. ഭരണാനുമതി…
താമരശ്ശേരി ചുരം റോഡിലെ മൂന്ന് ഹെയര്പിന് വളവുകള്കൂടി വീതികൂട്ടി നിവര്ത്തുന്നതിന് ഭരണാനുമതിയായി. കേരള പൊതുമരാമത്ത് വകുപ്പ് ദേശീയ പാത വിഭാഗത്തിന്റെ മേല്നോട്ടത്തില് ആറ്, ഏഴ്, എട്ട് വളവുകളാണ് നവീകരിക്കുക. ഇതിനായി, പിഡബ്ള്യുഡി നല്കിയ എസ്റ്റിമേറ്റ് പ്രകാരം 37.16 കോടി രൂപ കേന്ദ്ര ഉപരിതല ഗതാഗത മന്ത്രാലയം അനുവദിച്ചു.
വനഭൂമിയില് ഉള്പ്പെടുന്ന ഈ വളവുകള് സാധിക്കുന്നത്രയും നിവര്ത്താന് ആവശ്യമായ മരം മുറിക്കുന്നതിനുള്ള അനുമതിയോടെ വനംവകുപ്പ് ഭൂമി കൈമാറിയിട്ടുണ്ട്. ഇന്ത്യന് റോഡ് കോണ്ഗ്രസിന്റെ മാനദണ്ഡങ്ങള് അനുസരിച്ച് പേവ്ഡ് ഷോള്ഡറുകളോട് കൂടിയാണ് വളവുകള് വീതി കൂട്ടി നിവര്ത്തുക.
കരാര് നടപടികള് നിശ്ചിത സമയത്തിനുള്ളില് നടത്തി പണി എത്രയും വേഗം പൂര്ത്തിയാക്കുമെന്ന് പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് പറഞ്ഞു.
