കെ ടെറ്റ് രണ്ടുവര്ഷത്തിനുള്ളില് എഴുതിയെടുത്താല് മതി; ശമ്പളം തടയില്ല
എയ്ഡഡ് വിദ്യാഭ്യാസ സ്ഥാപനങ്ങളില് നിയമനം നേടുന്ന അധ്യാപകര് രണ്ട് വര്ഷത്തിനുളളില് കെ ടെറ്റ് നേടിയാല് മതിയെന്ന് മന്ത്രി വി ശിവന് കുട്ടി. കെ ടെറ്റ് പാസാകാത്തവരുടെ ശമ്പളം തടഞ്ഞുവയ്ക്കില്ലെന്നും മന്ത്രി പറഞ്ഞു. ഭിന്നശേഷിസംവരണത്തില് നിയമന നടപടി രണ്ടാഴ്ചയ്ക്കകം പൂര്ത്തിയാക്കുമെന്നും ഇത് സംബന്ധിച്ച ഉത്തരവ് ഇന്നുതന്നെ ഇറക്കുമെന്നും മന്ത്രി വി ശിവന്കുട്ടി വാര്ത്താ സമ്മേളനത്തില് പറഞ്ഞു
വിദ്യാഭ്യാസ അവകാശ നിയമപ്രകാരം അധ്യാപകര്ക്ക് കെ-ടെറ്റ് നിര്ബന്ധമാണ്. എന്നാല് പെട്ടെന്നൊരു മാറ്റം അധ്യാപകരെ ബാധിക്കുമെന്നതിനാല് രണ്ടായിരത്തി പന്ത്രണ്ടിന് മുമ്പ് നിയമിക്കപ്പെട്ടവര്ക്ക് സര്ക്കാര് ഇളവ് നല്കിയിരുന്നു. എന്നാല് 2025 സെപ്റ്റംബര് 1-ന് സുപ്രീം കോടതിയില് നിന്നുണ്ടായ വിധി, ഇത്തരം ഇളവുകളെ നിരാകരിക്കുകയും കെ-ടെറ്റ് ഇല്ലാത്തവരെ സര്വീസില് നിന്ന് നീക്കണമെന്ന് പറയുകയും ചെയ്തു. ഇത് ഇരുപതിനായിരത്തോളം അധ്യാപകരുടെയും അവരുടെ കുടുംബങ്ങളെയും ബാധിക്കും. കോടതി വിധി നടപ്പിലാക്കിക്കൊണ്ട് തന്നെ അധ്യാപകരെ സംരക്ഷിക്കാന് സര്ക്കാര് വഴി കണ്ടെത്തിയിരിക്കുകയാണ്. വിധി പ്രകാരം രണ്ടു വര്ഷം കെ-ടെറ്റ് പാസ്സാകാന് സമയം നല്കുന്നുണ്ട്
