മഗ്നീഷ്യം കുറഞ്ഞാലുള്ള പ്രധാനപ്പെട്ട ലക്ഷണങ്ങൾ.. എന്തൊക്കെയെന്നോ ?…

ശരീരത്തിന് ഏറെ ആവശ്യമുള്ള പോഷകമാണ് മഗ്നീഷ്യം. മഗ്നീഷ്യം കുറഞ്ഞാല്‍ വലിയ ആരോഗ്യപ്രശ്‌നങ്ങള്‍ക്ക് കാരണമാകും.ശാരീരിക പ്രവർത്തനങ്ങളിൽ നിർണായക പങ്ക് വഹിക്കുന്ന ഒരു സുപ്രധാന ധാതുവാണ് മഗ്നീഷ്യം. ശരീരത്തിലെ 300-ലധികം ജൈവ രാസപ്രവർത്തനങ്ങളിൽ പങ്ക് വഹിക്കുന്ന ഒരു പ്രധാന ധാതുവാണ് മഗ്നീഷ്യം. എല്ലുകളുടെയും ആരോഗ്യം നിലനിര്‍ത്തുന്നതില്‍ ഇതിനേറെ പങ്കുണ്ട്. ഹൃദയത്തിന്റെ ആരോഗ്യത്തിനും മഗ്‌നീഷ്യം ആവശ്യമാണ്.
ശരീരത്തിൽ മഗ്നീഷ്യം കുറഞ്ഞാൽ അത് പല വിധത്തിലുള്ള ആരോഗ്യ പ്രശ്നങ്ങളും ഉണ്ടാക്കാം.

മഗ്നീഷ്യം കുറവിന്റെ ആദ്യ ലക്ഷണങ്ങളിലൊന്ന് വിറയലാണ്. മഗ്നീഷ്യം കുറവിന്റെ ലക്ഷണങ്ങളിൽ വിട്ടുമാറാത്ത ക്ഷീണവും ബലഹീനതയും ഉൾപ്പെടാം. കോശതലത്തിൽ ഊർജ്ജോത്പാദനത്തിന് മഗ്നീഷ്യം ഒരു നിർണായക ഘടകമാണ്. അതിന്റെ കുറവ് ഊർജ്ജവും സ്റ്റാമിനയും കുറയാൻ കാരണമാകും.

മഗ്നീഷ്യം കുറവിൻറെ ഏറ്റവും സാധാരണമായ ലക്ഷണങ്ങളിലൊന്ന് കുറഞ്ഞ ഊർജ്ജമാണ്. ഇതുമൂലം എപ്പോഴും ക്ഷീണവും തളർച്ചയും അനുഭവപ്പെടുന്നതും മഗ്നീഷ്യത്തിൻറെ അഭാവം കൊണ്ടാകാം. മഗ്നീഷ്യം കുറവിന്റെ പ്രാരംഭ ഘട്ടത്തിൽ ഛർദ്ദി, ഓക്കാനം തുടങ്ങിയ ദഹനനാളത്തിന്റെ ലക്ഷണങ്ങൾ ഉണ്ടാകാം.

മഗ്നീഷ്യം കുറവിൻറെ മറ്റൊരു നിർണായക ലക്ഷണം ക്രമരഹിതമായ ഹൃദയമിടിപ്പ് ആണ്. ശരീരത്തിൽ മഗ്നീഷ്യത്തിൻറെ അളവ് കുറയുന്നത് രക്തസമ്മർദ്ദം കൂടാനും ഹൃദയത്തിൻറെ ആരോഗ്യത്തെ മോശമായി ബാധിക്കാനും സാധ്യതയുണ്ട്. ശരീരത്തിൽ മഗ്നീഷ്യത്തിൻറെ അളവ് കുറയുന്നത് മാനസികാരോഗ്യത്തെയും ബാധിക്കാം. ഇതുമൂലം വിഷാദം, ഉത്കണ്ഠ, മൂഡ് സ്വിം​ഗ്സ് തുടങ്ങിയവ ഉണ്ടാകാം.