എൻസിസി ക്യാമ്പിനിടെ വിദ്യാർഥികൾക്ക് ദേഹാസ്വാസ്ഥ്യം.. അൻപതോളം പേർ ആശുപത്രിയിൽ.. 600ഓളം വിദ്യാർഥികൾ….

എൻസിസി ക്യാമ്പിനിടെ വിദ്യാർഥികൾക്ക് ഭക്ഷ്യവിഷബാധ. തൃക്കാക്കര കെഎംഎം കോളജിൽ ക്യാമ്പിൽ പങ്കെടുത്ത വിദ്യാർഥികൾക്കാണ് ശാരീരിക ബുദ്ധമുട്ടുകളുണ്ടായത്. അൻപതോളം വിദ്യാർത്ഥികളെ ആശുപത്രിയിൽ പ്രവേശിപ്പിച്ചു.തിങ്കളാഴ്ച ഉച്ചഭക്ഷണത്തിനുശേഷമാണ് കൂടുതൽ പേർക്ക് അസ്വസ്ഥത തുടങ്ങിയതെന്ന് വിദ്യാർഥികൾ പറഞ്ഞു. വൈകിട്ടോടെ ഒട്ടേറെ പേർ ക്ഷീണിതരായി തളർന്നുവീണു. പൊലീസ് വാഹനങ്ങളിലും ആംബുലൻസുകളിലുമായാണ് വിദ്യാർഥികളെ ആശുപത്രികളിലേക്ക് മാറ്റിയത്.

കൂടുതൽ പേർക്കും കഠിനമായ വയറുവേദനയാണ്. ചിലർക്കു ഛർദ്ദിയും വയറിളക്കവും അനുഭവപെട്ടു.600ഓളം വിദ്യാർഥികളാണ് ക്യാമ്പിൽ പങ്കെടുത്തത്. സംഭവത്തിൽ പൊലീസ് അന്വേഷണം ആരംഭിച്ചു.ഞായറാഴ്ച ഉച്ചയ്ക്ക് ഊണിന് മീൻകറിയും മോരുമുണ്ടായിരുന്നു. ഇതു കഴിച്ചതിനുശേഷമാണ് അസുഖം ഉണ്ടായതെന്ന് പറയുന്നു.