പതിനൊന്നു മണിയോടെ ഫലമറിയാം.. വോട്ടെണ്ണല് 244 കേന്ദ്രങ്ങളില്…
വീറും വാശിയുമുള്ള പോരാട്ടം കഴിഞ്ഞു. ഇനി വിധിയറിയാനുള്ള കാത്തിരിപ്പാണ്. രണ്ടു ഘട്ടമായി നടന്ന തിരഞ്ഞെടുപ്പിന്റെ വോട്ടെണ്ണല് 244 കേന്ദ്രങ്ങളിലായി ശനിയാഴ്ച നടക്കും. ഉച്ചയ്ക്കു മുന്പായി ഫലം ഏറെക്കുറെ പൂര്ണമായി അറിയാനാവും. പതിനൊന്നു മണിയോടെ ചിത്രം തെളിയും.
ബ്ലോക്കുതല കേന്ദ്രങ്ങളില് ഗ്രാമ,ബ്ലോക്ക്, ജില്ലാ പഞ്ചായത്തുകളുടേയും നഗരസഭ, കോര്പറേഷന് തലങ്ങളില് അതത് സ്ഥാപനങ്ങളുടേയും വോട്ടെണ്ണും. ബ്ലോക്കുതല കേന്ദ്രങ്ങളില് ബ്ലോക്ക് പഞ്ചായത്ത് വരണാധികാരികള്ക്ക് പ്രത്യേകം ഹാളുകളിലാണ് വോട്ടെണ്ണല്. ഗ്രാമ, ബ്ലോക്ക് പഞ്ചായത്തുകളിലെ തപാല് ബാലറ്റുകള് അതത് വരണാധികാരികളുടെ മേശകളില് എണ്ണും. ജില്ലാ പഞ്ചായത്തുകളിലെ തപാല് ബാലറ്റുകള് കലക്ട്രേറ്റിലാണ് എണ്ണുക.
