SSLC- പ്ലസ് ടു പരീക്ഷകൾക്ക് ഇന്ന് സമാപനം.. സ്കൂള് പരിസരത്ത് കര്ശന പൊലീസ് സുരക്ഷ….
സംസ്ഥാനത്ത് എസ്എസ്എല്സി, പ്ലസ് ടു പരീക്ഷകള് ഇന്ന് അവസാനിക്കും. ചോദ്യപേപ്പറിലെ അക്ഷരത്തെറ്റുകളും വിദ്യാർത്ഥികൾ തമ്മിൽ ചിലയിടങ്ങളിൽ ഉണ്ടായ സംഘർവും മാറ്റിനിർത്തിയാൽ വിവാദങ്ങൾ കുറവായിരുന്നു ഇക്കൊല്ലം.അതേസമയം പരീക്ഷ തീരുന്ന ദിവസം സ്കൂളുകളില് വിദ്യാര്ഥി സംഘര്ഷം ഒഴിവാക്കാന് കര്ശന നിയന്ത്രണങ്ങളാണ് ഏര്പ്പെടുത്തുയിരിക്കുന്നത്.
സംഘർഷ സാധ്യതകളുടെ പശ്ചാത്തലത്തിൽ സ്കൂളുകളിൽ അതിരുവിട്ട ആഹ്ലാദപ്രകടനം പാടില്ലെന്ന് പൊതുവിദ്യാഭ്യാസ വകുപ്പ് നിർദേശം നൽകിയിട്ടുണ്ട്.പരീക്ഷ കഴിഞ്ഞ് കുട്ടികള് കൂട്ടം കൂടുകയോ ആഘോഷം നടത്തുകയോ ചെയ്യുന്നില്ലെന്ന് അധ്യാപകര് ഉറപ്പുവരുത്തണം. ആവശ്യമെങ്കില് സ്കൂള് ബാഗുകള് അധ്യാപകര്ക്ക് പരിശോധിക്കാം. സംസ്ഥാനത്ത് എല്ലാ സ്കൂള് പരിസരവും പൊലീസിന്റെ കര്ശന നിരീക്ഷണത്തില് ആയിരിക്കും.
