വിഷമിറങ്ങാൻ ഗംഗാനനദിയിൽ കിടത്തിയാൽ മതിയെന്ന് മന്ത്രവാദി; പാമ്പുകടിയേറ്റ പതിമൂന്നുകാരൻ ചികിത്സ കിട്ടാതെ മരിച്ചു
അന്ധവിശ്വാസത്തിന്റെ പേരിൽ 13കാരന്റെ ജീവൻ നഷ്ടപ്പെട്ട ദാരുണ സംഭവമാണ് ഇപ്പോൾ സമൂഹ മാധ്യമങ്ങളിൽ വലിയ ചർച്ചയാകുന്നത്. പാമ്പുകടിയേറ്റ കുട്ടിക്ക് ചികിത്സ നൽകുന്നതിനുപകരം കുടുംബം മന്ത്രവാദിയുടെ നിർദേശപ്രകാരം കുട്ടിയെ ഗംഗാനദിയിൽ കുളയിൽ കെട്ടി കിടത്തുകയായിരുന്നു. 12 മണിക്കൂറോളം ചികിത്സ കിട്ടാതെ ഗംഗാനനദിയിൽ കിടന്ന കൗമാരക്കാരൻ ഒടുവിൽ മരണത്തിന് കീഴടങ്ങി. ഉത്തർ പ്രദേശിലെ അമ്രോഹയിലാണ് സംഭവം. പതിമൂന്നുകാരനെ മുളയിൽകെട്ടി ഗംഗാനനദിയിൽ കിടത്തിയിരിക്കുന്ന വീഡിയോ ദൃശ്യങ്ങളും പുറത്തുവന്നു.
