കപ്പൽ അപകടം; ഹൈക്കോടതിയിൽ ഗ്യാരന്റി തുക കെട്ടിവെച്ച് എംഎസ് സി എൽസ
കപ്പൽ അപകടത്തിൽ ഗ്യാരന്റി തുക ഹൈക്കോടതിയിൽ കെട്ടിവെച്ച് എംഎസ് സി എൽസ 3. 1227 കോടി രൂപയാണ് കെട്ടിവെച്ചത്. നഷ്ടപരിഹാരം ആവശ്യപ്പെട്ടിട്ടുള്ള കേസിൽ വാദം തുടരുകയാണ്. തുക കെട്ടിവെച്ചില്ലെങ്കില് വിഴിഞ്ഞത്ത് നങ്കൂരമിട്ടിരിക്കുന്ന, കമ്പനിയുടെ മറ്റൊരു ചരക്കുകപ്പലായ എംഎസ് സി അക്വിറ്റേറ്റ-2 അറസ്റ്റ് ചെയ്തു തടഞ്ഞുവെക്കാന് ഹൈക്കോടതി നിര്ദേശം നല്കി. ഇതേത്തുടര്ന്ന് സെപ്റ്റംബര് മുതല് അക്വിറ്റേറ്റ വിഴിഞ്ഞത്തു തുടരുകയായിരുന്നു. കഴിഞ്ഞ മെയ് മാസത്തിലാണ് കൊച്ചി പുറംകടലില്, 600 ഓളം കണ്ടെയ്നറുകള് വഹിച്ച എംഎസ് സി എല്സ-3 കപ്പല് മറിഞ്ഞത്. രാസമാലിന്യങ്ങള് അടങ്ങിയ കണ്ടെയ്നറുകള് കടലില് ഒഴുകി പലയിടങ്ങളിലായി അടിയുകയും ചെയ്തിരുന്നു.
