വീണ്ടും കുടുങ്ങി ഷൈൻ.. ലഹരി പരിശോധനയ്ക്കിടെ മൂന്നാംനിലയില് നിന്നും ഇറങ്ങി ഓടി.. ദൃശ്യങ്ങൾ പുറത്ത്…
ലഹരി പരിശോധനയ്ക്കിടെ കൊച്ചിയിലെ ഹോട്ടലില് നിന്നും നടന് ഷൈന് ടോം ചാക്കോ ഇറങ്ങി ഓടി. ഇന്നലെ രാത്രിയാണ് സംഭവം. ഓപ്പറേഷന് ഡി ഹണ്ടിന്റെ ഭാഗമായി ഡാന്സാഫ് സംഘത്തിന്റെ പരിശോധനയ്ക്കിടെയാണ് നടന് ഇറങ്ങി ഓടിയത്.ഇതിന്റെ ദൃശ്യങ്ങളും പുറത്ത് വന്നിട്ടുണ്ട്.എറണാകുളത്തെ സ്വകാര്യ ഹോട്ടലിൽ നിന്നാണ് ഇറങ്ങി ഓടിയത്.
ഷൈനിന്റെ മുറിയില് ലഹരി ഉപയോഗം നടക്കുന്നുവെന്ന വിവരം ലഭിച്ചതിന്റെ അടിസ്ഥാനത്തിലായിരുന്നു പരിശോധന. ഇതിനിടെ എക്സൈസ് താഴെ എത്തിയതറിഞ്ഞതോടെ ഹോട്ടലിന്റെ മൂന്നാം നിലയില് നിന്നും ഇറങ്ങി ഓടി രക്ഷപ്പെടുകയായിരുന്നു.ജനൽവഴി താഴേക്കിറങ്ങി റിസപ്ഷൻ വഴി ഓടി രക്ഷപ്പെടുകയായിരുന്നു.
അതേസമയം ഷൈന് ടോം ചാക്കോയ്ക്കെതിരെ നടി വിന്സി അലോഷ്യസ് ഫിലിം ചേംബറിന് പരാതി നല്കി. നടി വിൻസി അലോഷ്യസ് നടനെതിരെ പരാതി നൽകിയതിന് പിന്നാലെയാണ് ഡാൻസഫ് പരിശോധനയ്ക്കിടെ മുറിയിൽ നിന്നിറങ്ങി ഓടുന്ന ദൃശ്യങ്ങളടക്കം പുറത്തുവന്നത്.
