ആലപ്പുഴ ചെറുതനയിൽ തെരുവുനായയുടെ ആക്രമണം..സ്കൂൾ വിദ്യാർഥിനിയെ ഉൾപ്പെടെ നിരവധി പേരെ കടിച്ച നായ ചത്തു.. നാട്ടുകാർ ആശങ്കയിൽ…

ആലപ്പുഴ: ചെറുതനയിൽ തെരുവുനായുടെ ആക്രമണത്തിൽ നിരവധി പേർക്ക് പരിക്ക്. ഇന്നലെ സ്കൂൾ വിദ്യാർത്ഥിനിയായ 12 വയസ്സുകാരിക്കാണ് ആദ്യം നായയുടെ കടിയേറ്റത്. രാത്രിയായിരുന്നു സംഭവം. തുടർന്ന് ഇന്ന് പുലർച്ചെ ആറുമണിയോടെ ജോലിക്ക് ആവശ്യങ്ങൾക്കായി ഇറങ്ങിയ അഞ്ചുപേർക്കും നായയുടെ കടിയേറ്റു.

ആക്രമണത്തിനു ശേഷം നായ ചത്തത് നാട്ടുകാരെ ഭീതിയിലാക്കിയിരിക്കുകയാണ്. പ്രദേശത്തെ വീട്ടിലെ ആടിനെയും നായ ആക്രമിച്ചിട്ടുണ്ട്. പരിക്കേറ്റവരെ വണ്ടാനം മെഡിക്കൽ കോളേജ് ആശുപത്രിയിലേക്ക് മാറ്റി.