കളമശ്ശേരിയിൽ അന്തർസംസ്ഥാന തൊഴിലാളിയുടെ പ്രായപൂർത്തിയാകാത്ത മകളെ പീഡിപ്പിച്ചതായി പരാതി.. അയൽവാസിയായ യുവാവ് ഒളിവിൽ..

എറണാകുളം കളമശ്ശേരിയിൽ പ്രായപൂർത്തിയാകാത്ത പെൺകുട്ടി പീഡനത്തിനിരയായതായി പരാതി. അന്തർ സംസ്ഥന തൊഴിലാളികളുടെ മകളായ ആറുവയസുകാരിയാണ് പീഡനത്തിനിരയായത്. അയൽവാസിയായ ഇടുക്കി സ്വദേശിയാണ് കുട്ടിയെ പീഡിപ്പിച്ചതെന്നാണ് വിവരം. ഇയാൾ ഒളിവിലാണ്. സംഭവത്തിൽ കളമശേരി പോലീസ് കേസെടുത്തു. പ്രതിയെ കണ്ടെത്താനായി പോലീസ് അന്വേഷണം ആരംഭിച്ചിട്ടുണ്ട്. കഴിഞ്ഞ മാസമാണ് പ്രതി കുട്ടിയെ പീഡിപ്പിച്ചതെന്നാണ് വിവരം. മകൾ മാതാപിതാക്കളെ വിവരം അറിയിച്ചതിന് പിന്നാലെ ഇവർ പോലീസിൽ പരാതി നല്കുകയായിരുന്നു. ഇതേത്തുടർന്നാണ് യുവാവ് ഒളിവിൽ പോയത്. ഇയാളെ പിടികൂടാനായി അന്വേഷണത്തെ വ്യാപിപ്പിച്ചിട്ടുണ്ടെന്ന് പോലീസ് അറിയിച്ചു.

മറ്റൊരു സംഭവത്തിൽ, പ്രായപൂ‌ർത്തിയാകാത്ത രണ്ട് പെൺകുട്ടികളെ പീഡിപ്പിച്ച രണ്ടാനച്ഛനെ പോലീസ് അറസ്റ്റ് ചെയ്തു. ,​13,15 വയസുള്ള പെൺകുട്ടികളെ പീഡിപ്പിച്ച കേസിലാണ് രണ്ടാനച്ഛൻ പിടിയിലായത്. കരമന പോലീസ് സ്റ്റേഷൻ പരിധിയിൽ ആയിരുന്നു സംഭവം. മൊബൈൽ ഫോണിൽ നഗ്നവീഡിയോ കാണിച്ചാണ് രണ്ടാനച്ഛൻ കുട്ടികളെ പീഡനത്തിനിരയാക്കിയത്. ചൈൽഡ്ലൈനിൽ നിന്ന് അയച്ചുകിട്ടിയ റിപ്പോർട്ടിന്റെ അടിസ്ഥാനത്തിൽ കരമന പോലീസ് നടത്തിയ അന്വേഷണത്തിലാണ് ഇയാൾ അറസ്റ്റിലായത്. സംഭവത്തിൽ അസിഫ് ഉൾ ആലമാണ് (38) അറസ്റ്റിലായത്. ഇയാളെ റിമാൻഡ് ചെയ്തു.