അയ്യനെ കണികാണാന് ഭക്തര്; സന്നിധാനത്ത് വിഷുക്കണി 15ന്
ഐശ്വര്യ സമൃദ്ധിക്കും സൗഭാഗ്യത്തിനുമായി ഭക്തര് കാത്തിരുന്ന വിഷുക്കണി ദര്ശനം 15ന്. ഭക്തര്ക്ക് കണികണ്ട് തൊഴുന്നതിനൊപ്പം ശ്രീകോവിലില് നിന്ന് വിഷു കൈനീട്ടവും ലഭിക്കും. അയ്യപ്പസന്നിധിയില് വിഷുക്കണി ദര്ശനത്തിനുള്ള ഒരുക്കങ്ങള് തുടങ്ങി.
15ന് പുലര്ച്ചെ നാലുമുതല് ഏഴുമണിവരെയാണ് വിഷുക്കണി ദര്ശനം. പതിനാലിന് രാത്രി അത്താഴ പൂജയ്ക്ക് ശേഷം മേല്ശാന്തി, കീഴ്ശാന്തി പരികര്മികള് എന്നിവര് ചേര്ന്നു ശ്രീകോവിലില് വിഷുക്കണി ഒരുക്കിയ ശേഷമാണ് രാത്രി ഹരിവരാസനം ചൊല്ലി നട അടയ്ക്കുന്നത്. പുലര്ച്ചെ നട തുറന്ന് ശ്രീകോവിലിലെ ദീപങ്ങള് തെളിയിച്ചു ആദ്യം ശബരീശനെയാണ് കണി കാണിക്കുന്നത്. അതിനുശേഷമാണ് ഭക്തര്ക്ക് വിഷുക്കണിക്ക് അവസരം.
