ശബരിമല സ്വര്ണ്ണക്കൊള്ള…എന്.വാസുവിനെ കസ്റ്റഡിയില് എടുത്ത് ചോദ്യം ചെയ്തേക്കും
ശബരിമല സ്വര്ണ്ണക്കൊള്ളയില് മുന് ദേവസ്വം കമ്മീഷണര് എന്.വാസുവിനെ കസ്റ്റഡിയില് എടുത്ത് ചോദ്യം ചെയ്തേക്കും. സ്വമേധയാ ഹാജരാവുന്നത് നീണ്ടുപോയാല് കസ്റ്റഡിയിലെടുത്ത് ചോദ്യം ചെയ്യുന്നതടക്കമുള്ള നടപടികളിലേക്ക് കടക്കാനാണ് എസ്ഐടി നീക്കം.
വാസുവിനെ നേരത്തേ എസ്ഐടി ചോദ്യം ചെയ്ത് വിട്ടയച്ചുവെങ്കിലും വീണ്ടും ഹാജരാകാന് നോട്ടീസ് നല്കിയിരുന്നു. എസ്ഐടി കസ്റ്റഡിയിലുള്ള സുധീഷ് കുമാറുമായി അന്വേഷണസംഘം തെളിവെടുപ്പ് നടത്തിയേക്കും. കേസിലെ മുഖ്യപ്രതി ഉണ്ണികൃഷ്ണന് പോറ്റിയും മുരാരി ബാബുവും റിമാന്റിലാണ്.
