പന്തളം നഗരസഭയിലെ രാജിവെച്ച യുഡിഎഫ് കൗൺസിലറും ഇടത് വിമതനായ കൗൺസിലറും ബിജെപിയിൽ ചേർന്നു…

പന്തളം നഗരസഭയിലെ രാജിവെച്ച യുഡിഎഫ് കൗൺസിലറും , ഇടത് വിമതനായ കൗൺസിലറും ബിജെപിയിൽ ചേർന്നു. യുഡിഎഫ് അംഗം കെ ആർ രവി, ഇടതു വിമതൻ രാധാകൃഷ്ണൻ ഉണ്ണിത്താൻ എന്നിവരാണ് ചേർന്നത്. കേരള കോൺഗ്രസ് പ്രതിനിധിയായ കെ. ആർ. രവി ഈ മാസം 23ന് ആണ് രാജിവച്ചത്.

കഴിഞ്ഞ ഡിസംബറിൽ ഇടതുപക്ഷം കൊണ്ടുവന്ന അവിശ്വാസപ്രമേയത്തിൽ പങ്കെടുത്തതിനെ തുടർന്ന് യു.ഡി.എഫുമായി അകൽച്ചയിലായിരുന്നു രവി. വ്യാഴാഴ്ച നഗരസഭ കൗൺസിൽ യോഗത്തിൽ പങ്കെടുത്തശേഷം രാജിക്കത്ത് നൽകുകയായിരുന്നു.