‘റാങ്ക് പട്ടികയിൽ മുഖ്യമന്ത്രിയുടെ ഓഫിസിലെ ഉന്നതൻ്റെ ബന്ധുവും ഡിവൈഎഫ്ഐ നേതാവിൻ്റെ ഭാര്യയും…പിആർഡി നിയമനത്തിലെ സ്റ്റേ പിൻവാതിൽ നിയമനം മൂലമെന്ന് കെസി
തിരുവനന്തപുരം: പബ്ലിക് റിലേഷന്സ് വകുപ്പില് അസിസ്റ്റന്റ് ഇന്ഫര്മേഷന് ഓഫിസര് നിയമനത്തിനായി പി എസ് സി പ്രസിദ്ധീകരിച്ച റാങ്ക് ലിസ്റ്റില് നിന്നുള്ള നിയമനം കേരള അഡ്മിനിസ്ട്രേറ്റീവ് ട്രിബ്യൂണല് സ്റ്റേ ചെയ്തത് പിന്വാതില് നിയമനം മൂലമാണെന്ന് എ ഐ സി സി ജനറല് സെക്രട്ടറി കെ സി വേണുഗോപാല് ആരോപിച്ചു.
മുഖ്യമന്ത്രിയുടെ ഓഫിസിലെ ഉന്നതന്റെ ബന്ധുവും ഡി വൈ എഫ് ഐ നേതാവിന്റ ഭാര്യയും പട്ടികയിൽ ഇടംപിടിച്ചിരുന്നെന്നും അദ്ദേഹം ചൂണ്ടിക്കാട്ടി. റാങ്ക് ലിസ്റ്റിലുള്ളവര് സമര്പ്പിച്ച പരിചയ സര്ട്ടിഫിക്കറ്റുകളുടെ സാധുത ചൂണ്ടിക്കാട്ടി സമര്പ്പിച്ച ഹര്ജിയിലാണ് സ്റ്റേയെന്നും കെ സി വേണുഗോപാൽ വിവരിച്ചു. തിടുക്കത്തില് തയാറാക്കിയ ഇത്തവണത്തെ ലിസ്റ്റില് മുഖ്യമന്ത്രിയുടെ ഓഫീസിലെ ഉന്നതന്റെ ബന്ധുവും കണ്ണൂരില്നിന്നുള്ള ഡിവൈഎഫ്ഐ നേതാവിന്റെ ഭാര്യയുമുണ്ട്. അതുപോലെ പലരും ഇടംപിടിച്ചെന്നും കെ സി വിമർശിച്ചു.
