ഒളിവില് നിന്ന് പുറത്തേക്ക്; വോട്ടുചെയ്യാനെത്തി രാഹുല് മാങ്കൂട്ടത്തില്
ബലാത്സംഗ കേസില് ഒളിവിലായിരുന്ന രാഹുല് മാങ്കൂട്ടത്തില് വോട്ടുചെയ്യാനെത്തി. പാലക്കാട് കുന്നത്തൂര്മേടിലാണ് രാഹുലിന് വോട്ട്. രാഹുലിന് എതിരായ രണ്ടു കേസിലും അറസ്റ്റ് തടഞ്ഞതോടെ ഒളിവിലുള്ള എംഎല്എ പുറത്തേക്ക് വരുമെന്ന അഭ്യൂഹങ്ങൾ ശക്തമായിരുന്നു. 15 ദിവസത്തിന് ശേഷമാണ് ഒളിവില് നിന്ന് പുറത്തെത്തുന്നത്. തിരക്കില്ലാത്ത സമയത്താണ് രാഹുല് വോട്ടുചെയ്യാനെത്തിയത്. എല്ലാം കോടതിയ്ക്ക് മുന്നിലുണ്ട്, കോടതി തീരുമാനിക്കും എന്നാണ് രാഹുല് മാധ്യമങ്ങളോട് പ്രതികരിച്ചത്. എന്നാല് രാഹുലിന്റെ വരവില് പാർട്ടിയ്ക്ക് ബന്ധം ഇല്ലെന്നും ആശയ വിനിമയം ഇല്ലെന്നുമാണ് കെപിസിസി നേതൃത്വം അറിയിക്കുന്നത്
