ക്ലാസെടുക്കുന്നതിനിടെ കോളജ് അദ്ധ്യാപകൻ കുഴഞ്ഞു വീണു മരിച്ചു…
ക്ലാസെടുക്കുന്നതിനിടെ കോളജ് അദ്ധ്യാപകൻ കുഴഞ്ഞു വീണു മരിച്ചു. നെയ്യാറ്റിന്കര കാഞ്ഞിരംകുളം ഗവ. കെഎന്എം ആര്ട്സ് ആന്ഡ് സയന്സ് കോളജിലെ കൊമേഴ്സ് വിഭാഗം അസോ. പ്രഫ. ഊരുപൊയ്ക ഇടയ്ക്കോട് മഠത്തില് കണ്ണന് വീട്ടില് ഡോ. പി സുബ്രഹ്മണ്യന് (55) ആണ് മരിച്ചത്.
ക്ലാസ് എടുക്കുന്നതിനിടെ കുട്ടികളുടെ മുന്നിലാണ് കുഴഞ്ഞു വീണത്. വിദ്യാര്ത്ഥികളും സഹപ്രവര്ത്തകരും ചേര്ന്ന് ആദ്യം കോളജിനു സമീപത്തെ സ്വകാര്യ ആശുപത്രിയില് എത്തിച്ചു. തുടര്ന്ന് നെയ്യാറ്റിന്കരയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കഴിഞ്ഞ വര്ഷമാണ് പി സുബ്രഹ്മണ്യം കാഞ്ഞിരംകുളം കോളജില് അദ്ധ്യാപകനായി എത്തിയത്. അതിനു മുന്പ് വയനാട് കല്പറ്റ, നെടുമങ്ങാട്, ആറ്റിങ്ങല് തുടങ്ങിയ ഇടങ്ങളില് സേവനം അനുഷ്ഠിച്ചിട്ടുണ്ട്. വരുന്ന മാര്ച്ചില് വിരമിക്കാനിരിക്കെയാണ് വിയോഗം.
