ദിവ്യ കണ്ണൂരില് തന്നെ..ഇന്ന് കീഴടങ്ങിയേക്കും..സിപിഎം നേതൃത്വവും ആവശ്യപ്പെട്ടു…
നവീന് ബാബുവിന്റെ മരണത്തില് ഒളിവില് കഴിയുന്ന കണ്ണൂര് മുന് ജില്ലാ പഞ്ചായത്ത് പ്രസിഡന്റ് പിപി ദിവ്യ ഇന്ന് കീഴടങ്ങിയേക്കും എന്ന് റിപ്പോര്ട്ട്. മൂന്കൂര് ജാമ്യാപേക്ഷ തളളിയതോടെയാണ് കീഴടങ്ങാന് സാധ്യത.സിപിഎം നേതൃത്വവും ഇക്കാര്യം അവരെ അറിയിച്ചതായാണ് സൂചന. കണ്ണൂരില് തന്നെ ദിവ്യ ഉണ്ടെന്നാണ് വിവരം. അതിനിടെ ദിവ്യ അമിത രക്തസമ്മര്ദ്ദത്തെ തുടര്ന്ന് ആശുപത്രിയില് ചികിത്സ തേടിയതായും റിപ്പോര്ട്ടുകളുണ്ട്.
അതേസമയം, എഡിഎം നവീന് ബാബുവിന്റെ മരണവുമായി ബന്ധപ്പെട്ട കേസില് പിപി ദിവ്യയുടെ ജാമ്യ ഹര്ജി കോടതി തള്ളി. തലശ്ശേരി പ്രിന്സിപ്പല് സെഷന്സ് കോടതി ജഡ്ജി നിസാര് അഹമ്മദാണ് വിധി പ്രസ്താവിച്ചത്. എഡിഎമ്മിന്റെ മരണത്തില് ദിവ്യയ്ക്കെതിരെ ആത്മഹത്യാ പ്രേരണാക്കുറ്റമാണ് ചുമത്തിയിരുന്നത്.
