പരീക്ഷ കഴിഞ്ഞ് മടങ്ങിയ പ്ലസ്ടു വിദ്യാർത്ഥിനി കുഴഞ്ഞ് വീണ് മരിച്ചു

പരീക്ഷ കഴിഞ്ഞ് മടങ്ങിയ പ്ലസ്ടു വിദ്യാർത്ഥിനി കുഴഞ്ഞ് വീണ് മരിച്ചു. തൃശൂർ താന്ന്യം വലിയകത്ത് ബാദുഷയുടെ മകൾ ബാദിറ (17) ആണ് മരിച്ചത്. താന്ന്യം ഗവ. ഹയർ സെക്കൻഡറി സ്‌കൂളിലെ പ്ലസ്‌ടു വിദ്യാർത്ഥിനിയാണ് ബാദിറ.

രാവിലെ നടന്ന പരീക്ഷ കഴിഞ്ഞ് ഉച്ചയോടെ വീട്ടിലേക്ക് മടങ്ങിയ വിദ്യാർത്ഥിനി വീടിന് സമീപത്ത് വെച്ച് വഴിയിൽ കുഴഞ്ഞ് വീഴുകയായിരുന്നു. ഉടൻ പഴുവിൽ മിഷൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.