തിരുവനന്തപുരത്ത് പ്ലസ്ടു വിദ്യാര്ത്ഥിയുടെ കഴുത്തറുത്തു.. വീട്ടിലേക്ക് പോകുന്നതിനിടെ.. പ്രതി പിടിയിൽ…
തിരുവനന്തപുരത്ത് പ്ലസ്ടു വിദ്യാര്ത്ഥിക്കുനേരെ ആക്രമണം. പ്ലസ്ടു വിദ്യാര്ത്ഥിയെ ബ്ലേഡ് ഉപയോഗിച്ച് ആക്രമിക്കുകയായിരുന്നു. തുമ്പ പൊലീസ് സ്റ്റേഷൻ പരിധിയിലെ കുലത്തൂരില് വെച്ച് ഇന്ന് വൈകിട്ടോടെയാണ് സംഭവം. 17കാരന്റെ കഴുത്താണ് അറുത്തത്. സ്കൂള് വിട്ട് വീട്ടിലേക്ക് സുഹൃത്തുക്കള്ക്കൊപ്പം പോകുന്നതിനിടെയാണ് സംഭവം.
സംഭവത്തിൽ പ്രതിയെ പിടികൂടി.കുളത്തൂര് സ്വദേശിയായ അഭിജിത്താണ് പിടിയിലായത്. റേഷൻകടവ് സ്വദേശി ഫൈസൽ (17) ആണ് ആക്രമണത്തിനിരയായത്. അഭിജിത്തുമായി തർക്കം ഉണ്ടാവുകയും തുടർന്ന് വീട്ടിൽ നിന്നും ബ്ലേഡ് എടുത്ത് പിറകെ ഓടി ഫൈസലിന്റെ കഴുത്തിൽ ആഴത്തിൽ മുറിവേൽപ്പിക്കുകയുമായിരുന്നു. ഗുരുതരമായി പരിക്കേറ്റ ഫൈസലിനെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു.
