ക്ലീനിങ് സ്റ്റാഫ് ചപ്പുചവറുകൾ കത്തിക്കുന്നതിനിടയിൽ തീപടർന്നു, പാങ്ങോട് പൊലീസ് സ്റ്റേഷനിൽ സൂക്ഷിച്ചിരുന്ന വണ്ടികൾക്ക് തീപിടിച്ചു

പാങ്ങോട് പൊലീസ് സ്റ്റേഷനിൽ സൂക്ഷിച്ചിരുന്ന വണ്ടികൾക്ക് തീപിടിച്ചു. രാവിലെ 8.15 ഓടെ യാണ് സംഭവം. ബൈക്കുകൾ, ഓട്ടോ കൾ എന്നി വാഹനങ്ങൾക്കാണ് തീപിടിച്ചത്. സ്റ്റേഷനിലെ ക്ലീനിങ് സ്റ്റാഫ് ചപ്പുചവറുകൾ കത്തിക്കുന്നതിനിടയിലാണ് വാഹനങ്ങളിൽ തീ പിടിച്ചത്. ആറ് ബൈക്കുകളും ഓട്ടോറിക്ഷയുടെ ഒരു ഭാഗവും കത്തിയിട്ടുണ്ട്. നാട്ടുകാരും പൊലീസും ചേർന്ന് തീ അണച്ചു. പിന്നാലെ ഫയർ ഫോഴ്സ് സ്ഥലത്തെത്തി. അപകടത്തിൽപ്പെട്ടത്തും മോഷണ വാഹനങ്ങളുമാണ് കൂടുതലും ഉണ്ടായിരുന്നത്.