ആക്രിക്കടയിൽ വൻ തീപിടിത്തം; തീയണയ്ക്കാനുള്ള ശ്രമം തുടരുന്നു

പാലക്കാട് ആക്രിക്കടയിൽ വൻ തീപിടിത്തം. ഓങ്ങല്ലൂരിലെ കാരക്കാട് ആണ് തീപിടിത്തം ഉണ്ടായത്. ആക്രിക്കട പൂർണ്ണമായും കത്തിനശിച്ചു. 4 യൂണിറ്റ് ഫയർ ഫോഴ്സുകളാണ് സംഭവസ്ഥലത്ത് എത്തിയത്. ഇപ്പോഴും തീയണയ്ക്കാനുള്ള ശ്രമം തുടരുകയാണ്. അപകട സാധ്യത കണക്കിലെടുത്ത് ആക്രിക്കടയ്ക്ക് മുന്നിലെ വീട്ടുകാരെ താത്കാലികമായി ഒഴിപ്പിച്ചു.

പഴയ ഫ്രിഡ്ജിന്റെ പൊളിച്ചുവെച്ച ഭാ​ഗങ്ങൾക്കാണ് ആദ്യം തീപിടിച്ചത്. ഇത് പിന്നീട് ആളിക്കത്തുകയായിരുന്നു. അ​ഗ്നിബാധയെ തുടർന്ന് പ്രദേശത്ത് കറുത്ത പുക പടർന്നു. മുൻഭാ​ഗത്തെ തീ നിയന്ത്രണാധീതമാക്കിയിട്ടുണ്ടെങ്കിലും പിന്നിലെ തീ ഇതുവരെയും അണക്കാനായിട്ടില്ല.