പാലക്കാട്ട് കാർ താഴ്ചയിലേക്ക് വീണു..യുവതിക്കും ഭർതൃമാതാവിനും ദാരുണാന്ത്യം…
പട്ടാമ്പി – പുലാമന്തോൾ പാതയില്‍ പുതിയ റോഡിൽ കാർ താഴ്ചയിലേക്ക് മറിഞ്ഞ് യുവതി മരിച്ചു. ചങ്ങരംകുളം കോക്കൂർ മാളിയേക്കൽ സജ്ന (43),ഭർതൃമാതാവ് ആയിഷ എന്നിവരാണ് മരിച്ചത്. ഉച്ചയോടെ പുതിയ റോഡിലായിരുന്നു അപകടം. പെരിന്തൽമണ്ണ ഭാഗത്തുനിന്ന് വന്ന കാര്‍ മരത്തിലിടിച്ചു താഴ്ചയിലേക്ക് മറിയുകയായിരുന്നു.ഉടന്‍ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കിലും ഇരുവരും മരിച്ചു.അപകടത്തില്‍ പരുക്കേറ്റ സജ്നയുടെ ഭര്‍ത്താവ് അഷ്റഫ്നെ പെരിന്തല്‍മണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു.
