പി കെ ശശിയും, പ്രമീള ശശിധരനും കോണ്ഗ്രസിലേക്ക്…
പാലക്കാട്ടെ പ്രമുഖ സിപിഐഎം, ബിജെപി നേതാക്കള് പാര്ട്ടിയിലെത്തിക്കാന് കോണ്ഗ്രസ് നീക്കം. സിപിഐഎം മുതിര്ന്ന നേതാവ് പി കെ ശശിയെ തന്നെ കോണ്ഗ്രസിലെത്തിക്കാനുള്ള ശ്രമം സജീവമാണ്. പി കെ ശശി എത്തിയാല് ഷൊര്ണ്ണൂര്, ഒറ്റപ്പാലം സീറ്റുകളില് ഏതെങ്കിലും ഒന്ന് നല്കിയേക്കും.
ബിജെപി നേതാവ് പ്രമീള ശശിധരനെ പാര്ട്ടിയിലെത്തിക്കാനുള്ള ശ്രമം നടക്കുന്നതായാണ് വിവരം. പാലക്കാട് ഉപതിരഞ്ഞെടുപ്പ് സ്ഥാനാർത്ഥി പ്രഖ്യാപനത്തിന് പിന്നാലെ പ്രമീള ശശീധരൻ പരസ്യമായി നേതൃത്വത്തിനെതിരെ രംഗത്തെത്തിയിരുന്നു. പ്രതിപക്ഷ നേതാവ് വി ഡി സതീശന് നയിക്കുന്ന പുതുയുഗ യാത്ര പാലക്കാട് എത്തുമ്പോഴായിരുന്നു നേതാക്കളുടെ പാര്ട്ടി പ്രവേശനം നടപ്പിലാക്കാനുള്ള ശ്രമങ്ങളാണ് നടക്കുന്നത്. വി എസ് അച്യുതാനന്ദന്റെ മുന് പി എ സുരേഷിനെ പാര്ട്ടിയിലെത്തിക്കാനുള്ള ചര്ച്ചയ്ക്ക് പിന്നാലെയാണ് പുതിയ നീക്കങ്ങള്.
