ഡപ്യൂട്ടി സോളിസിറ്റർ ജനറലായി ബിജെപി നേതാവ് എം ടി രമേശിന്റെ ഭാര്യ.. ഒ.എം.ശാലിന കുറിച്ചത് പുതുചരിത്രം…
കേരള ഹൈക്കോടതിയിൽ ഡപ്യൂട്ടി സോളിസിറ്റർ ജനറലായി ബിജെപി സംസ്ഥാന ജനറൽ സെക്രട്ടറി എം.ടി. രമേശിന്റെ ഭാര്യക്ക് നിയമനം. എം.ടി. രമേശിന്റെ ഭാര്യയും അഭിഭാഷകയുമായ ഒ.എം.ശാലിനയെ ഡപ്യൂട്ടി സോളിസിറ്റർ ജനറലായി നിയമിച്ച് കേന്ദ്രസർക്കാർ ഉത്തരവിറക്കി. കേന്ദ്ര നിയമ മന്ത്രാലയത്തിന്റേതാണ് നടപടിയ കേരള ഹൈക്കോടതിയിൽ ഡപ്യൂട്ടി സോളിസിറ്റർ ജനറൽ പദവിയിലെത്തുന്ന ആദ്യ വനിതയാണ് ശാലിന.
പാലക്കാട് ഗവ. വിക്ടോറിയ കോളജിൽനിന്ന് കൊമേഴ്‌സിൽ ബിരുദമെടുത്ത ശാലീന, എറണാകുളം ലോ കോളജിൽനിന്നാണ് നിയമത്തിൽ ബിരുദം എടുത്തത്. 1999ലാണ് അഭിഭാഷകയായി എൻറോൾ ചെയ്തത്. 2015ൽ ഹൈക്കോടതിയിൽ കേന്ദ്ര സർക്കാർ അഭിഭാഷകയായി. 2021ൽ സെൻട്രൽ അഡ്മിനിസ്ട്രേറ്റീവ് ട്രൈബ്യൂണലിൽ സീനിയർ സെൻട്രൽ ഗവൺമെന്റ് സ്റ്റാൻഡിങ് കൗൺസിൽ ആയി നിയമിതയായി. ഷൊർണൂർ ഒറോംപാടത്ത് വീട്ടിൽ ഒ.കെ. മുകുന്ദന്റെയും സാവിത്രിയുടെയും മകളാണ് ശാലീന.
