ജോലി കോഴി ഫാമിൽ…ആലപ്പുഴ കെഎസ്ആർടിസി സ്റ്റാൻഡിനടുത്ത് പിടികൂടിയപ്പോൾ…

ആലപ്പുഴ: കെഎസ്ആര്‍ടിസി ബസ് സ്റ്റാൻഡ് പരിസരത്തുനിന്നും 7.5 കിലോ കഞ്ചാവുമായി ഒഡീഷ സ്വദേശിയെ അറസ്റ്റ് ചെയ്തു. സഞ്ചയ് നായിക്ക് എന്നയാളാണ് അറസ്റ്റിലായത്. തൃശൂരിലെ ഒരു കോഴി ഫാമിൽ ജീവനക്കാരനായ ഇയാൾ ഒഡീഷയിൽ നിന്നും വൻതോതിൽ കഞ്ചാവ് കടത്തുന്ന സംഘത്തിലെ പ്രധാനിയാണ്. ആലപ്പുഴ എക്സൈസ് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ മഹേഷും പാർട്ടിയും ചേർന്നാണ് പ്രതിയെ പിടികൂടിയത്. സംഘത്തിൽ പാർട്ടിയിൽ അസിസ്റ്റൻറ് എക്സൈസ് ഇൻസ്പെക്ടർ മധു, പ്രിവന്റീവ് ഓഫീസർമാരായ ഓംകാർ നാഥ്, അനിലാൽ, റെനി, സിവിൽ എക്സൈസ് ഓഫീസർമാരായ അഭിലാഷ്, ജോൺസൺ എന്നിവരും ഉണ്ടായിരുന്നു.