പൂച്ച കുറുകെ ചാടി; സ്‌കൂട്ടറില്‍ നിന്ന് വീണ എല്‍ഡിഎഫ് സ്ഥാനാര്‍ത്ഥിയ്ക്ക് പരിക്ക്
പൂച്ച കുറുകെ ചാടിയതിനെ തുടര്‍ന്ന് സ്ഥാനാര്‍ത്ഥിയ്ക്ക് സ്‌കൂട്ടറില്‍ നിന്ന് വീണ് പരിക്ക് പറ്റി. ചാവക്കാട് നഗരസഭ ആറാം വാര്‍ഡ് എല്‍ഡിഎഫ് സ്ഥാനാര്‍ത്ഥി ശബ്‌ന ഫസലുവിനാണ് തിരഞ്ഞെടുപ്പ് പ്രചാരണത്തിനായി പോകുന്നതിനിടെ സ്‌കൂട്ടറില്‍ നിന്ന് വീണ് പരിക്കേറ്റത്.
സ്‌കൂട്ടറോടിച്ച് പോകുമ്പോള്‍ ചാവക്കാട് പോലീസ് സ്റ്റേഷന് പിന്‍വശത്തെ റോഡില്‍വെച്ചാണ് പൂച്ച കുറുകെ ചാടിയത്. ചാവക്കാട്ടെ സ്വകാര്യ ആശുപത്രിയില്‍ പ്രവേശിപ്പിച്ച ശബ്‌നയെ പ്രാഥമിക ചികിത്സ നല്‍കി വിട്ടയച്ചു. മൂന്ന് ദിവസത്തെ വിശ്രമവും നിരീക്ഷണവും ഡോക്ടര്‍ നിര്‍ദ്ദേശിച്ചിട്ടുണ്ട്
