കുസാറ്റിൽ നിന്ന് വിദ്യാർത്ഥിയെ കാണാതായി.. അന്വേഷണം ഊർജ്ജിതമാക്കി പോലീസ്..

കളമശ്ശേരിയിലെ കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയിൽ (CUSAT) നിന്ന് ഒരു വിദ്യാർത്ഥിയെ കാണാതായതായി പരാതി. സർവകലാശാലയിലെ മൂന്നാം വർഷ ഇലക്ട്രോണിക്സ് വിദ്യാർത്ഥിയായ സായന്ത് (20) ആണ് തിങ്കളാഴ്ച വൈകുന്നേരം മുതൽ അപ്രത്യക്ഷനായത്.

യൂണിവേഴ്സിറ്റിക്ക് സമീപമുള്ള വിദ്യാനഗർ റോഡിലെ ആഷിയാന ഹോസ്റ്റലിലാണ് സായന്ത് താമസിച്ചിരുന്നത്. സെപ്റ്റംബർ 15-ന് വൈകുന്നേരം ഏകദേശം 4:20-ഓടെയാണ് ഹോസ്റ്റൽ പരിസരത്തുനിന്ന് ഇയാളെ കാണാതായത്. സംഭവത്തിൽ ബന്ധുക്കൾ കളമശ്ശേരി പോലീസിൽ പരാതി നൽകിയിട്ടുണ്ട്.

സായന്തിനായുള്ള അന്വേഷണം പോലീസ് ഊർജ്ജിതമാക്കിയിട്ടുണ്ട്. വിദ്യാർത്ഥിയെക്കുറിച്ച് എന്തെങ്കിലും വിവരം ലഭിക്കുന്നവർ അടുത്തുള്ള പോലീസ് സ്റ്റേഷനിലോ, അല്ലെങ്കിൽ 0484 2532050 എന്ന നമ്പറിൽ കളമശ്ശേരി പോലീസ് സ്റ്റേഷനുമായോ ബന്ധപ്പെടണമെന്ന് അധികൃതർ അറിയിച്ചു.