നേമം സര്വീസ് സഹകരണ ബാങ്ക് തട്ടിപ്പ്….ഇഡി പരിശോധനയിൽ നിര്ണായക രേഖകള് പിടിച്ചെടുത്തു…
നേമം സര്വീസ് സഹകരണ ബാങ്ക് തട്ടിപ്പിലെ ഇഡി പരിശോധനയില് നിര്ണായക രേഖകള് പിടിച്ചെടുത്തു. പണമിടപാട് സംബന്ധിച്ച രേഖകളും ഡിജിറ്റല് തെളിവുകളുമാണ് പരിശോധനയില് കണ്ടെത്തിയത്. ബാങ്ക് മുന് ഭരണസമിതിയും ജീവനക്കാരും ചേര്ന്ന് 100 കോടി രൂപയുടെ തട്ടിപ്പ് നടത്തി എന്നാണ് ഇഡി കണ്ടെത്തല്.
സിപിഐഎം ഭരിച്ച നേമം സഹകരണ ബാങ്കില് ക്രമക്കേടുകള് കണ്ടെത്തിയതിന് പിന്നാലെയാണ് എന്ഫോസ്മെന്റ് ഡയറക്റ്ററേറ്റ് നടപടി. ഇഡി കൊച്ചി യൂണിറ്റ് നടത്തിയ പരിശോധനയിലാണ് തട്ടിപ്പുമായി ബന്ധപ്പെട്ട രേഖകള് കണ്ടെത്തിയത്. ബാങ്ക് ഓഫീസില് നിന്നും ഭരണസമിതി അംഗങ്ങളുടെ വീട്ടില് നിന്നും ഡിജിറ്റല് തെളിവുകള് ഇഡി പിടിച്ചെടുത്തു. വായ്പകള് വിതരണം ചെയ്തത് സംബന്ധിച്ച രേഖകളും പരിശോധനയില് കണ്ടെത്തിയിട്ടുണ്ട്.
