നെടുമങ്ങാട് ടാപ്പിങ് തൊഴിലാളിയെ വെട്ടി പരിക്കേൽപ്പിച്ച സംഭവം.. പ്രതികൾ കസ്റ്റഡിയിൽ.. കെഎസ്ആർടിസി ജീവനക്കാരും…

നെടുമങ്ങാട് വലിയ മലയിൽ ടാപ്പിങ് തൊഴിലാളിയെ വെട്ടിപ്പരിക്കേൽപ്പിച്ച സംഭവത്തിൽ പ്രതികൾ പിടിയിൽ.പിടിയിലായവരിൽ കെഎസ്ആർടിസി താൽക്കാലിക ജീവനക്കാരും ഉണ്ടെന്നാണ് റിപ്പോർട്ട്.കരിങ്ങ സ്വദേശി തുളസീധരൻ നായരെ(60)യാണ് നാലം​ഗ സംഘം ആക്രമിച്ചത്.ആളുമാറിയായിരുന്നു ആക്രമണം നടന്നത്.സന്തോഷ് എന്ന ആളെ തിരക്കി എത്തിയതായിരുന്നു സംഘം.സന്തോഷിന്റെ സഹോദരി ഭർത്താവാണ് കൊട്ടേഷൻ നൽകിയത് എന്നാണ് സൂചന.

കഴുത്തിനും കൈയ്ക്കും കാലിനും പരിക്കേറ്റ തുളസീധരൻ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്.ഇന്ന് രാവിലെയായിരുന്നു സംഭവം.