എൻസിഇആർടിയിൽ അസിസ്റ്റന്റ് പ്രൊഫസർ, അസോസിയേറ്റ് പ്രൊഫസർ,പ്രൊഫസർ തസ്തികകളിൽ 114 ഒഴിവുകൾ
നാഷണൽ കൗൺസിൽ ഓഫ് എജ്യൂക്കേഷണൽ റിസർച്ച് ആൻഡ് ട്രെയിനിങ്ങിൽ (എൻസിഇആർടി -NCERT) അക്കാദമിക് തസ്തികകളിലേക്കുള്ള ഒഴിവുകൾ നികത്തുന്നതിനായി അപേക്ഷ ക്ഷണിച്ചു.
വിവിധ വിദ്യാഭ്യാസ വകുപ്പുകളിലായി 117 ഒഴിവുകളാണ് ഉള്ളത്. അസിസ്റ്റന്റ് പ്രൊഫസർ, അസോസിയേറ്റ് പ്രൊഫസർ,പ്രൊഫസർ,ഡെപ്യൂട്ടി ലൈബ്രേറിയൻ, അസിസ്റ്റന്റ് ലൈബ്രേറിയൻ തസ്തികകളിലാണ് ഒഴിവുകൾ റിപ്പോർട്ട് ചെയ്തിട്ടുള്ളത്.
ആർട്ട്, സ്പെഷ്യൽ എജ്യൂക്കേഷൻ, മാത്തമാറ്റിക്സ്, എജ്യൂക്കേഷൻ,സയൻസ്, സോഷ്യൽ സയൻസ്, വൊക്കേഷണൽ എജ്യൂക്കേഷൻ, ലാംഗ്വേജ്, ലൈബ്രറി എന്നിങ്ങനെ 53 വകുപ്പുകളിലായാണ് ഒഴിവുകൾ ഉള്ളത്.
നേരിട്ടുള്ള നിയമനമാണ് 117 ഒഴിവുകളിലേക്ക് നടത്തുന്നത്. ഇതിൽ 114 ഒഴിവുകൾ അദ്ധ്യാപക തസ്തികയിലും മൂന്ന് എണ്ണം ലൈബ്രേറിയൻ തസ്തികയിലും ആണ്.
താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾക്ക് NCERT യുടെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അപേക്ഷാ ഫോം സമർപ്പിക്കാനുള്ള അവസാന തീയതി 20-02-2026 ആണ്.
