വ​ധി​ക്കാ​ൻ ശ്ര​മി​ച്ച യു​വാ​വിന് ജാമ്യം നൽകണമെന്ന് മാതാവ്.. ജാമ്യം നൽകി കോടതി…

പു​തു​വ​ത്സ​രാ​ഘോ​ഷ​ത്തി​ന് പ​ണം ന​ൽ​കി​യി​ല്ലെ​ന്നാ​രോ​പി​ച്ച് മാ​താ​വി​നെ വ​ധി​ക്കാ​ൻ ശ്ര​മി​ച്ച യു​വാ​വി​ന്, മാ​താ​വി​ന്‍റെ അ​ഭ്യ​ർ​ഥ​ന മാ​നി​ച്ച് ജാ​മ്യം അ​നു​വ​ദി​ച്ച് കേരളഹൈ​കോ​ട​തി. ദൗ​ർ​ഭാ​ഗ്യ​വ​തി​യാ​യ മാ​താ​വി​നെ വീ​ണ്ടും ദു:​ഖ​ത്തി​ലാ​ഴ്ത്തു​ന്നി​ല്ലെ​ന്ന് വി​ല​യി​രു​ത്തി​യാ​ണ് തി​രു​വ​ന​ന്ത​പു​രം കാ​ര​ക്കാ​മ​ണ്ഡ​പം സ്വ​ദേ​ശി​യാ​യ 25കാ​ര​ന് ജ​സ്റ്റി​സ് പി.​വി. കു​ഞ്ഞി​കൃ​ഷ്ണ​ൻ ക​ർ​ശ​ന ഉ​പാ​ധി​ക​ളോ​ടെ ജാ​മ്യം ന​ൽ​കി​യ​ത്. റോ​സാ​പു​ഷ്പം പോ​ലെ എ​ന്നും വി​രി​ഞ്ഞു നി​ൽ​ക്കു​ന്ന​താ​ണ് അ​മ്മ​യു​ടെ സ്നേ​ഹ​മെ​ന്നും കോ​ട​തി പ​രാ​മ​ർ​ശി​ച്ചു.

ആ​ഘോ​ഷി​ക്കാ​ൻ പ​ണം ന​ൽ​ക​ണ​മെ​ന്ന ആ​വ​ശ്യം നി​ഷേ​ധി​ച്ച അ​മ്മ​യെ യു​വാ​വ് ക​ത്തി​കൊ​ണ്ട് ആ​ക്ര​മി​ക്കു​ക​യാ​യി​രു​ന്നു. നേ​മം പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ ജ​നു​വ​രി ഒ​ന്നു മു​ത​ൽ ജു​ഡീ​ഷ്യ​ൽ ക​സ്റ്റ​ഡി​യി​ലാ​ണെ​ന്നും കു​റ്റം ചെ​യ്തി​ട്ടി​ല്ലെ​ന്നും കാ​ണി​ച്ചാ​ണ് യു​വാ​വ് ജാ​മ്യാ​പേ​ക്ഷ ന​ൽ​കി​യ​ത്. ഇ​ര​യാ​യ മാ​താ​വി​ന്റെ അ​ഭി​പ്രാ​യ​മ​റി​ഞ്ഞ് തീ​രു​മാ​ന​മെ​ടു​ക്കാ​മെ​ന്നാ​ണ് ഹൈ​കോ​ട​തി നി​ല​പാ​ടെ​ടു​ത്ത​ത്. തു​ട​ർ​ന്ന് പൊ​ലീ​സ് റെ​ക്കോ​ഡ് ചെ​യ്ത്​ ഹാ​ജ​രാ​ക്കി​യ മൊ​ഴി​യി​ൽ മ​ക​ന് ജാ​മ്യം ന​ൽ​ക​ണ​മെ​ന്ന്​ അ​മ്മ അ​ഭ്യ​ർ​ഥി​ക്കുകയായിരുന്നു.