‘പരാതിക്കാരിക്ക് പേരുപോലും ഇല്ല’; രണ്ടാമത്തെ കേസില് മുന്കൂര് ജാമ്യത്തിനായി അതിവേഗനീക്കവുമായി രാഹുല്
ആദ്യകേസില് ഹൈക്കോടതി അറസ്റ്റ് തടഞ്ഞതോടെ അതിവേഗ നീക്കങ്ങളുമായി രാഹുൽ മാങ്കൂട്ടത്തിൽ എംഎല്എ. ബംഗളൂരു സ്വദേശിയായ ഇരുപത്തിമൂന്നുകാരിയുടെ പരാതിയില് പൊലീസ് രണ്ടാമതെടുത്ത ബലാത്സംഗ കേസില് സെഷന്സ് കോടതിയില് രാഹുല് മുന്കൂര് ജാമ്യഹര്ജി സമര്പ്പിച്ചു. ഹര്ജി ഇന്നു തന്നെ പരിഗണിച്ചേക്കും.
പരാതിക്കാരിയുടെ പേരു പോലും ഇല്ലാതെ ലഭിച്ച ഇമെയിലിന്റെ അടിസ്ഥാനത്തിലാണ് കേസ് എടുത്തിരുക്കുന്നതെന്നാണ് ജാമ്യഹര്ജിയില് പറയുന്നത്. രണ്ടാമത്തെ കേസില് പൊലീസ് എഫ്ഐആര് രജിസ്റ്റര് ചെയ്തിരുന്നു. ഈ കേസില് പൊലീസിന് വേണമെങ്കില് എംഎല്എയെ അറസ്റ്റ് ചെയ്യാം. അതിനിടെയാണ് രാഹുല് മുന്കൂര് ജാമ്യഹര്ജി നല്കിയത്.
