‘വെള്ളം കുടിക്കാനെത്തി, വയോധികയെ കൊലപ്പെടുത്തി കിണറ്റിൽ ഇട്ടു’; പ്രതി ആദം അലിക്ക് ജീവപര്യന്തം

കേശവദാസപുരം മനോരമ വധക്കേസിൽ ബംഗാൾ സ്വദേശിയായ പ്രതി ആദം അലിക്ക് ജീവപര്യന്തം തടവ്. തിരുവനന്തപുരം അഡീഷണൽ സെഷൻസ് കോടതിയുടെതാണ് വിധി. 90,000 രൂപ പിഴയും വിധിച്ചു. കേസിൽ പ്രതി കുറ്റക്കാരനാണെന്ന് കോടതി കണ്ടെത്തിയിരുന്നു. അതിന് പിന്നാലെ കോടതി മുറിയിൽ നിന്ന് ഇറങ്ങിയോടിയ പ്രതിയെ പൊലീസും അഭിഭാഷകരും ചേർന്ന് പിടികൂടുകയായിരുന്നു. തൊട്ടടുത്ത വീട്ടിൽ വീട്ടുജോലിക്കു വന്ന ആദം അലി വൃദ്ധയെ കൊലപ്പെടുത്തി മൃതദേഹം കിണറ്റിലിട്ടെന്നാണ് കേസ്.