രോഗിയായി നടിച്ചുകൊണ്ട് മുടന്തി ആശുപത്രിയിലേക്ക്.. തക്കം കിട്ടിയപ്പോൾ…..
ഉത്തർപ്രദേശിൽ രോഗിയായി നടിച്ചുകൊണ്ട് മുടന്തി ആശുപത്രിയിലേക്ക് കയറിയ കള്ളൻ ഡോക്ടറുടെ കോട്ടിൽ ഐഫോൺ എടുത്ത് കടന്ന് കളഞ്ഞു. ഉത്തർപ്രദേശിലെ കാൺപൂരിലെ ഹാലെറ്റ് ആശുപത്രിയിലായിരുന്നു സംഭവം. സിസിടിവി ക്യാമറയിൽ പതിഞ്ഞ സംഭവം സമൂഹ മാധ്യമത്തിൽ വൈറലായി. 60 മിനിറ്റിനുള്ളിൽ പോലീസ് പ്രതിയായ മുഹമ്മദ് ഫൈസിനെ അറസ്റ്റ് ചെയ്തു. മെഡിക്കൽ സ്റ്റാഫിന്റെ വിശ്വാസം നേടിയ അദ്ദേഹം ജൂനിയർ ഡോക്ടറുടെ മൊബൈൽ ഫോൺ പൊടുന്നനെ മോഷ്ടിക്കുകയായിരുന്നു.
സിസിടിവി ദൃശ്യങ്ങൾ പ്രകാരം, ഒരു ഷർട്ടും ഷോർട്ട്സും ധരിച്ച് ഇടതുകൈയിൽ ഒരു ഡോക്ടറുടെ കുറിപ്പടിയും വാക്കിംഗ് സ്റ്റിക്കും ധരിച്ച ഒരാൾ ആശുപത്രി ലോബിയിൽ മുടന്തി നടക്കുന്നത് കാണാം. രണ്ട് ഡോക്ടർമാരെ മറികടക്കുമ്പോൾ, അയാൾ വലതുകൈ ഇടതുകൈയുടെ അടിയിലൂടെ നീക്കി ശ്രദ്ധാപൂർവ്വം ഒരു ഡോക്ടറുടെ കോട്ടിന്റെ പോക്കറ്റിലേക്ക് തിരുകുന്നു. തുടർന്ന് കോട്ടിന്റെ പോക്കറ്റിൽ നിന്ന് ഫോൺ കവർന്നു. ആശുപത്രിയിൽ നിന്ന് ഇറങ്ങുന്നതിന് മുമ്പ് തന്നെ പ്രതി ഫോൺ പോക്കറ്റിലേക്ക് വച്ചു. ചോദ്യം ചെയ്യലിൽ സമാനമായ ഒട്ടേറെ കേസുകൾ പ്രതി ചെയ്തിട്ടുണ്ടെന്ന് പൊലീസ് പറഞ്ഞു.
