ഓണത്തിന് നാട്ടിലേക്കെത്താൻ റെയിൽവേ സ്റ്റേഷനിൽ എത്തി.. യുവാവിന് ദാരുണാന്ത്യം…
ഓണാവധിക്ക് നാട്ടിലേക്ക് വരുന്നതിനായി റെയിൽവേ സ്റ്റേഷനിൽ എത്തിയ തിരുവനന്തപുരം സ്വദേശി കുഴഞ്ഞു വീണു മരിച്ചു. ഭരതന്നൂർ മാറനാട് തുറ്റിയറ ശ്രേയസിൽ ഡി.എസ്.ഷൈജു(48) ആണ് മരണപ്പെട്ടത്. വർഷങ്ങളായി ഗുജറാത്തിലെ സൂറത്ത് ജില്ലയിൽ മാണ്ട്വി എന്ന സ്ഥലത്ത് ടയർ പഞ്ചർ കട നടത്തിവരികയാണ് ഷൈജു.
നാട്ടിലേക്ക് വരാൻ റെയിൽവേ സ്റ്റേഷനിൽ എത്തിയതിനു പിന്നാലെ ഇദ്ദേഹത്തിന് ദേഹാസ്വാസ്ഥ്യം അനുഭവപ്പെട്ട് കുഴഞ്ഞു വീഴുകയുമായിരുന്നു. സ്റ്റേഷനിലുണ്ടായിരുന്നവർ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
