ബസ് കാത്തു നിന്ന വയോധികയെ നിർബന്ധിച്ച് കാറിൽ കയറ്റി..വഴിയിൽ വെച്ച് ആഭരണം കവർന്ന ശേഷം ഇറക്കിവിട്ടു..പ്രതി പിടിയിൽ….
വയോധികയെ കാറിൽ തട്ടി കൊണ്ടുപോയി ആഭരണങ്ങൾ കവർന്ന കേസിൽ പ്രതി നൂറനാട് പൊലീസിന്റെ പിടിയിൽ.അടൂർ മുന്നാളം സ്വദേശി സഞ്ജിത്താണ് പിടിയിലായത്. മാവേലിക്കര – പന്തളം റോഡിൽ വെച്ചാണ് ഇന്നലെ സംഭവമുണ്ടായത്.ബസ് കാത്തു നിന്ന വയോധികയെ വഴി ചോദിച്ച ശേഷം നിർബന്ധിച്ച് കാറിൽ കയറ്റുകയായിരുന്നു.പന്തളത്തേക്കാണ് പോകുന്നതെന്നും അവിടെ ഇറക്കാം എന്നും പറഞ്ഞാണ് യുവാവ് വയോധികയെ കാറിൽ കയറ്റിയത്.എന്നാൽ കുറച്ച് കഴിഞ്ഞപ്പോൾ വയോധികയെ ഭീഷണിപ്പെടുത്തി സ്വർണമാല കവർന്ന ശേഷം വഴിയിൽ ഇറക്കി വിട്ടു. കവർച്ചക്കിടെ വയോധികയുടെ കഴുത്തിന് പരിക്കേറ്റു.സംഭവത്തിൽ വയോധിക നൽകിയ പരാതിയിൽ നടത്തിയ അന്വേഷണത്തിലാണ് പ്രതി പിടിയിലായത്. സിസിടിവി ദൃശ്യങ്ങളുടെ സഹായത്തോടെയാണ് പ്രതിയെ കണ്ടെത്തിയത്.
