ഭാര്യ ഉപേക്ഷിച്ചുപോയി.. മക്കളെ കൊലപ്പെടുത്തി പിതാവ് ജീവനൊടുക്കി.. നടുക്കം മാറാതെ അയൽവാസികൾ…

ഭാര്യ ഉപേക്ഷിച്ചുപോയതിന് പിന്നാലെ ഭിന്നശേഷിക്കാരായ മക്കളെ കൊലപ്പെടുത്തി പിതാവ് ജീവനൊടുക്കി. സുനിൽ ഭാക്കാറെ(56) മക്കൾ ജയ്(18) ആര്യ(10) എന്നിവരാണ് മരിച്ചത്. കേന്ദ്രഭരണ പ്രദേശമായ ​ദാദ്ര ന​ഗർ ഹവേലിയിലെ സിൽവാസ്സയിലാണ് സംഭവം നടന്നത്.രണ്ട് മക്കളെയും കഴുത്തുഞെരിച്ച് കൊലപ്പെടുത്തിയ ശേഷം പിതാവ് തൂങ്ങിമരിക്കുകയായിരുന്നു. ഭാര്യ ഉപേക്ഷിച്ച് പോയതിന് ശേഷം കുട്ടികളെ തനിച്ച് നോക്കേണ്ട സ്ഥിതി വന്നതാവാം ഇയാളെ കടുംകൈ ചെയ്യുന്നതിലേക്ക് നയിച്ചതെന്നും പൊലീസ് പറഞ്ഞു.

കയർ ഉപയോ​ഗിച്ച് കഴുത്ത് ഞെരിച്ചാണ് ഇയാൾ കുട്ടികളെ കൊലപ്പെടുത്തിയത്. കഴുത്ത് ഞെരിച്ച് കൊലപ്പെടുത്തുന്നതിന് മുന്നെ ഇയാൾ കുട്ടികൾക്ക് വിഷം നൽകിയതായും സംശയമുണ്ട്.മഹാരാഷ്ട്രാ സ്വദേശികളായ കുടുംബം കഴിഞ്ഞ 20 വർഷമായി സിൽവാസയിലാണ് താമസിക്കുന്നത്.