22 വയസ്സുള്ള മലയാളി യുവതിയെ ഷാർജയിൽ കാണാതായി.. സഹായം തേടി കുടുംബം…
ശനിയാഴ്ച രാവിലെ ഷാർജയിൽ കാണാതായ തങ്ങളുടെ മകളെ കണ്ടെത്താൻ സഹായിക്കണമെന്ന് യുഎഇയിലെ മലയാളി കുടുംബം.അബു ഷഗാരയിലെ ഒരു ക്ലിനിക്കിൽ സഹോദരനോടൊപ്പം പോയപ്പോഴാണ് 22 കാരിയായ മകൾ റിതിക സുധീറിനെ കാണാതായതെന്ന് കുടുംബം പറഞ്ഞു.റിതിക മൂത്ത സഹോദരനൊപ്പമാണ് രാവിലെ ക്ലിനിക്കിലേക്ക് പോയതെന്ന് അച്ഛൻ സുധീർ കൃഷ്ണൻ വിശദീകരിച്ചു. ” സഹോദരൻ ആദ്യം ഡോക്ടറെ കണ്ടു, പക്ഷേ തന്റെ കൺസൾട്ടേഷൻ റൂമിൽ നിന്ന് സഹോദരൻ പുറത്തിറങ്ങിയപ്പോൾ റിതികയെ അവിടെ കണ്ടില്ല,” അദ്ദേഹം പറഞ്ഞു.ക്ലിനിക്കിലും സമീപ പ്രദേശങ്ങളിലും തിരച്ചിൽ നടത്തിയെങ്കിലും, സിസിടിവി ദൃശ്യങ്ങളിൽ നിന്ന് രാവിലെ 8:30 ഓടെ റിതിക പിൻവശത്തെ പ്രവേശന കവാടത്തിലൂടെ തനിയെ പുറത്തേക്ക് പോയതായി കുടുംബം മനസ്സിലാക്കി.വീട്ടിൽ പൊന്നു എന്ന് വിളിക്കുന്ന റിതിക ഒറ്റയ്ക്ക് പുറത്തുപോകുന്നത് സാധാരണയല്ല.റിതികയ്ക്ക് അധികം സുഹൃത്തുക്കൾ ഇല്ലാത്തതിനാൽ, ഏതെങ്കിലും സുഹൃത്തിന്റെ വീട്ടിൽ പോയിരിക്കുമെന്ന് കുടുംബം സംശയിക്കുന്നില്ല.സ്കൂൾ വിദ്യാഭ്യാസം പൂർത്തിയാക്കിയ ശേഷം, കോളേജിൽ ഉന്നത വിദ്യാഭ്യാസം നേടുന്നതിനുപകരം പെയിന്റിങ് ക്ലാസുകളിൽ ശ്രദ്ധ കേന്ദ്രീകരിച്ച് റിതിക വീട്ടിൽ തന്നെ കഴിയുകയായിരുന്നു.
കാണാതായ സമയത്ത്, റിതിക വെളുത്ത നിറത്തിലുള്ള ഒരു നീണ്ട ടോപ്പും കറുത്ത വരകളും കറുത്ത പാന്റസുമാണ് ധരിച്ചിരുന്നത്. കുടുംബം ഷാർജ പൊലിസിൽ വിവരം അറിയിച്ചിട്ടുണ്ട്.
