തദ്ദേശ തിരഞ്ഞെടുപ്പ്: സ്ഥാനാര്ത്ഥികള് ജനുവരി 12 നകം ചെലവ്കണക്ക് സമര്പ്പിക്കണം
തദ്ദേശസ്വയംഭരണസ്ഥാപനങ്ങളിലേയ്ക്കുള്ള പൊതുതെരഞ്ഞെടുപ്പില് മത്സരിച്ച എല്ലാ സ്ഥാനാര്ഥികളും ജനുവരി 12 നകം തെരഞ്ഞെടുപ്പ് ചെലവ് കണക്ക് ഓണ്ലൈനായി സമര്പ്പിക്കണം. നിശ്ചിത സമയത്തിനകം കണക്ക് സമര്പ്പിക്കാത്തവരെ അംഗമായി തുടരുന്നതിനും, തദ്ദേശതെരഞ്ഞെടുപ്പില് മത്സരിക്കുന്നതിനും അയോഗ്യരാക്കുമെന്ന് സംസ്ഥാന തെരഞ്ഞെടുപ്പ് കമ്മീഷണര് എ ഷാജഹാന് അറിയിച്ചു. കമ്മീഷന്റെ ഉത്തരവ് തീയതി മുതല് 5 വര്ഷത്തേക്കായിരിക്കും അയോഗ്യത വരിക. 2025 ലെ പൊതുതെരഞ്ഞെടുപ്പില് ആകെ 1199 തദ്ദേശസ്ഥാപനങ്ങളിലെ 23573 വാര്ഡുകളിലായി ആകെ 75627 സ്ഥാനാര്ഥികളാണ് മത്സരിച്ചത്.
