കൊല്ലത്ത് വാഹനാപകടത്തിൽ രണ്ട് മരണം.. ഒരാള്‍ക്ക് പരിക്ക്…
കൊല്ലത്ത് വാഹനാപകടത്തിൽ രണ്ട് മരണം. കൊല്ലം കാവനാട് മുക്കാടാണ് അപകടം. ഇന്ന് വൈകുന്നേരം 7.30ഓടെയാണ് സംഭവം.വെസ്റ്റ് ബംഗാൾ സ്വദേശി ഗോബിന്ദ ദാസും, രാമൻകുളങ്ങര സ്വദേശി അനൂപുമാണ് മരിച്ചത്. അപകടത്തില്‍ പരിക്കേറ്റ ജെതൻ ദാസിൻ്റെ നില ഗുരുതരമാണ്.
ഇന്ന് വൈകുന്നേരം 7.30ഓടെ ഗോബിന്ദ ദാസും മകൻ ജെതൻ ദാസും നടന്നു വരവേയാണ് അപകടം നടന്നത്. അനൂപ് ഓടിച്ച ബൈക്ക് നിയന്ത്രണം വിട്ട് കാൽനടയാത്രികരെ ഇടിച്ച് തെറിപ്പിച്ച ശേഷം പോസ്റ്റിൽ ഇടിക്കുകയായിരുന്നു. ഇവരെ ഉടൻ തന്നെ ജില്ലാ ആശുപത്രിയിൽ എത്തിച്ചെങ്കിലും അനൂപ് മരിച്ചു.പിന്നാലെ ആശുപത്രിയിലെത്തിയ അനൂപിൻ്റെ സുഹൃത്തുക്കള്‍ ഗുരുതരാവസ്ഥയിൽ എത്തിയിട്ടും വേണ്ട ചികിത്സ നൽകിയില്ലെന്ന് പറഞ്ഞ് ആശുപത്രിയുടെ ചില്ല് അടിച്ചു തകർത്തു. വനിത ജീവനക്കാരിയായ ശീലാകുമാരിക്ക് പരിക്കേറ്റു.
അനൂപിനെ മരിച്ചാണ് ആശുപത്രിയില്‍ കൊണ്ട് വന്നതെന്ന് ആശുപത്രി RMO അറിയിച്ചു. അനൂപിൻ്റെ മൃതദേഹം സ്വകാര്യ ആശുപത്രിയിലേക്ക് മാറ്റി. ഗുരുതരമായി പരിക്കേറ്റ ജെതൻ ദാസ് തിരുവനന്തപുരം മെഡിക്കൽ കോളേജ് ആശുപത്രിയില്‍ ചികിത്സയിലാണ്.
