നിർണായക തീരുമാനവുമായി സർക്കാർ; പിഎസ്സി അപേക്ഷിക്കാനുള്ള പ്രായപരിധി 40 വയസാക്കി
പിഎസ് സി പരീക്ഷയ്ക്ക് അപേക്ഷിക്കാനുള്ള ഉദ്യോഗാര്ത്ഥികളുടെ പ്രായപരിധി കൂട്ടി. ജനറല് വിഭാഗത്തില് നാലുവര്ഷം കൂട്ടി ഉദ്യോഗാര്ത്ഥികളുടെ പ്രായപരിധി 40 വയസാക്കി. അതായത് ജനറല് വിഭാഗത്തിലുള്ളവര്ക്ക് പിഎസ് സി പരീക്ഷയ്ക്ക് 40 വയസ് വരെ അപേക്ഷിക്കാം.
പ്രായപരിധി വര്ദ്ധിപ്പിക്കണമെന്ന ജസ്റ്റിസ് ജെ ബി കോശി കമ്മീഷന് റിപ്പോര്ട്ട് ഇന്ന് ചേര്ന്ന മന്ത്രിസഭായോഗം അംഗീകരിക്കുകയായിരുന്നു. നിലവില് ജനറല് വിഭാഗത്തില് നിന്നുള്ളവര്ക്ക് 36 വയസ് വരെ മാത്രമാണ് അപേക്ഷിക്കാനാവുക. ഇതാണ് നാലുവര്ഷം കൂട്ടി 40 വയസാക്കിയത്. ആനുപാതികമായി ഒബിസി, എസ് സി, എസ് ടി വിഭാഗങ്ങളുടെയും പ്രായപരിധിയും വർദ്ധിപ്പിച്ചു.
നിലവില് ഒബിസി വിഭാഗങ്ങള്ക്ക് 39 വയസ് വരെ അപേക്ഷിക്കാം. പ്രായപരിധി വര്ദ്ധിപ്പിച്ചതോടെ ഇനി 43 വയസ് വരെ പിഎസ് സി പരീക്ഷയ്ക്ക് അപേക്ഷിക്കാനാവും. മന്ത്രിസഭായോഗ തീരുമാനം അനുസരിച്ച് എസ് സി, എസ് ടി വിഭാഗക്കാര്ക്ക് 45 വയസ് വരെ അപേക്ഷിക്കാനാവും. നിയമസഭ തിരഞ്ഞെടുപ്പ് അടുത്തിരിക്കുന്ന പശ്ചാത്തലത്തിലുള്ള സുപ്രധാന തീരുമാനം സംസ്ഥാനത്ത് യുവജനങ്ങള്ക്ക് ഏറെ ആശ്വാസമാകും.
