തിരുവനന്തപുരത്തിന് പിന്നാലെ ആലപ്പുഴയിലും കോൺഗ്രസിന് ട്രാൻസ്ജെൻഡർ സ്ഥാനാർത്ഥി; അരുണിമ എം.കുറുപ്പ് ജനവിധി തേടുന്നത്….
ആലപ്പുഴ: തിരുവനന്തപുരത്തിന് പിന്നാലെ ആലപ്പുഴയിലും കോൺഗ്രസിന് ട്രാൻസ്ജെൻഡർ സ്ഥാനാർത്ഥി. ആലപ്പുഴ ജില്ലാ പഞ്ചായത്തിലേക്കാണ് കോൺഗ്രസ് ട്രാൻസ്ജെൻഡർ സ്ഥാനാർത്ഥിയെ തീരുമാനിച്ചിരിക്കുന്നത്. ട്രാൻസ്ജെൻഡർ കോൺഗ്രസ് സംസ്ഥാന രക്ഷാധികാരി അരുണിമ എം.കുറുപ്പിനെ വയലാർ ഡിവിഷനിൽ നിന്നാണ് കോൺഗ്രസ് മത്സരിപ്പിക്കുന്നത്. കെഎസ്‌യു ജനറൽ സെക്രട്ടറി കൂടിയാണ് അരുണിമ.
ഇന്നു ചേർന്ന യുഡിഎഫ് ജില്ലാ കോർ കമ്മറ്റിയിലാണ് അരുണിമയെ സ്ഥാനാർത്ഥിയാക്കുന്നത് സംബന്ധിച്ച തീരുമാനമുണ്ടായത്. നേരത്തെ തിരുവനന്തപുരത്തും കോൺഗ്രസ് ട്രാൻസ്ജെൻഡർ വനിതയെ സ്ഥാനാർത്ഥിയാക്കിയിരുന്നു. തിരുവനന്തപുരം ജില്ലാ പഞ്ചായത്തിലെ പോത്തൻകോട് ഡിവിഷനിലാണ് ട്രാൻസ്ജെൻഡർ വനിതയായ അമയ പ്രസാദിനെ കോൺഗ്രസ് സ്ഥാനാർത്ഥിയായി പ്രഖ്യാപിച്ചത്.
