കാനത്തിൽ ജമീല ഇനി ഓർമ്മ… കടവ് ജുമാമസ്ജിദിൽ മൃതദേഹം ഖബറടക്കി
കൊയിലാണ്ടിയുടെ ജനകീയ മുഖമായിരുന്ന കാനത്തില് ജമീല ഇനി ഓര്മ. ഔദ്യോഗിക ബഹുമതികളോടെ അത്തോളി കുനിയില് കടവ് ജുമാമസ്ജിദ് ഖബര് സ്ഥാനില് മൃതദേഹം ഖബറടക്കി. നൂറുകണക്കിനാളുകളാണ് പ്രിയപ്പെട്ട നേതാവിന് അന്തിമോപചാരം അര്പ്പിക്കാനായി എത്തിയത്. രാവിലെ എട്ട് മണിയോടെ സിപിഎം കോഴിക്കോട് ജില്ലാ കമ്മറ്റി ഓഫീസില് അവസാനമായി കാനത്തില് ജമീലയെ എത്തിച്ചപ്പോള് അന്തിമോപചാരമര്പ്പിക്കാന് കാത്ത് നിന്നത് വലിയ ജനക്കൂട്ടമാണ്. സ്പീക്കര് എ എന് ഷംസീര്, മന്ത്രിമാരായ എം ബി രാജേഷ്, പി എ മുഹമ്മദ് റിയാസ്, കെ രാജന്, എകെ ശശീന്ദ്രന്, രമേശ് ചെന്നിത്തല തുടങ്ങിയവര് അന്തിമോപാചരമര്പ്പിച്ചു
