അന്തരിച്ച കാനത്തിൽ ജമീല എംഎൽഎയുടെ ഖബറടക്കം ഡിസംബർ രണ്ടിന്…
അന്തരിച്ച കൊയിലാണ്ടി എംഎല്‍എ കാനത്തില്‍ ജമീലയുടെ സംസ്കാരം ഡിസംബർ രണ്ടിന്. സംസ്കാരം അത്തോളി കുനിയിൽക്കടവ് ജുമാ മസ്ജിദിൽ നടക്കും. വിദേശത്തുള്ള മകൻ എത്തേണ്ടതുണ്ട്. മൃതദേഹം തിങ്കളാഴ്ച പൊതു ദർശനത്തിനുവയ്ക്കും. അതുവരെ മൃതദേഹം ആശുപത്രിയിൽ സൂക്ഷിക്കും.
ചൊവ്വാഴ്ച ജില്ലാ കമ്മിറ്റി ഓഫീസിലും കൊയിലാണ്ടിയിലും മൃതദേഹം പൊതുദർശനത്തിന് വെയ്ക്കും. അർബുദ രോഗത്തെ തുടർന്ന് ചികിത്സയിൽ കഴിഞ്ഞിരുന്ന കാനത്തിൽ ജമീല ഇന്ന് രാത്രി 8.40ഓടെയാണ് മരിച്ചത്. 59 വയസായിരുന്നു.കോഴിക്കോട്ടെ സ്വകാര്യ ആശുപത്രിയിൽ ആയിരുന്നു അന്ത്യം. കഴിഞ്ഞ നിയമസഭാ തിരഞ്ഞെടുപ്പില്‍ മത്സരിച്ചാണ് കാനത്തില്‍ ജമീല നിയമസഭയിലേക്കെത്തുന്നത്.
