തിരഞ്ഞെടുപ്പില് താന് മത്സരിക്കാനില്ല, തൃശ്ശൂരിലെ സീറ്റ് നഷ്ടപ്പെടുന്നതിന്റെ കാരണം പറഞ്ഞു; കെ മുരളീധരന്
നിയമസഭാ തിരഞ്ഞെടുപ്പില് താന് മത്സരിക്കാനില്ലെന്ന് കോണ്ഗ്രസ് നേതാവ് കെ മുരളീധരന്. താന് മത്സരരംഗത്തുണ്ടാകുമെന്ന് പലയിടങ്ങളില് നിന്നും കേള്ക്കുന്നുണ്ട്. മത്സരിക്കാന് വ്യക്തിപരമായി താല്പര്യം ഇല്ല. മറ്റുകാര്യങ്ങള് തീരുമാനിക്കുന്നത് പാര്ട്ടിയാണെന്നും കെ മുരളീധരന് പറഞ്ഞു. കേരളത്തില് യുഡിഎഫ്, ബി ജെപി മത്സരമാണ് നടക്കുക. ഈ തിരഞ്ഞെടുപ്പില് സിപിഐഎമ്മിന്, ബിജെപിയുമായി അന്തര്ധാരയുണ്ടാകും. യുഡിഎഫിന് ഇപ്പോള് അനുകൂല സാഹചര്യമാണുള്ളത്. അതിന് ഒന്നിച്ചുനില്ക്കണം. കോണ്ഗ്രസില് നിന്നും പുറത്തുപോകുന്നവരെ പേടിക്കേണ്ടതില്ലെന്നും കെ മുരളീധരന് പറഞ്ഞു.
പാര്ട്ടിക്കകത്ത് നിന്നും പണി തരുന്നവരുണ്ടെന്നും കെ മുരളീധരന് പറഞ്ഞു. അവരെ സൂക്ഷിക്കണം. അത്തരക്കാര് തൃശ്ശൂരിലുമുണ്ട്. തൃശ്ശൂരിലെ സീറ്റ് നഷ്ടപ്പെടുന്നതിന്റെ കാരണവും അതാണ്. ഗുരുവായൂരില് നഷ്ടപ്പെട്ട സീറ്റ് തിരിച്ചുപിടിക്കാന് ഒന്നിച്ചുനില്ക്കണമെന്നും കെ മുരളീധരന് പറഞ്ഞു. തിരഞ്ഞെടുപ്പില് മത്സരിക്കാനുള്ള മൂഡ് തനിക്കില്ലെന്ന് കെ മുരളീധരന് നേരത്തെ പറഞ്ഞിരുന്നു. എല്ലാ തിരഞ്ഞെടുപ്പിലും മത്സരിക്കുകയെന്നത് ശരിയല്ല. അതുകൊണ്ട് ഇത്തവണ മാറിനില്ക്കാന് തീരുമാനിച്ചുവെന്നും കെ മുരളീധരന് പറഞ്ഞു.
