പ്ലസ്ടു കഴിഞ്ഞവര്‍ക്ക് കണ്ണൂര്‍ എയര്‍പോര്‍ട്ടില്‍ അവസരം; 18 ഒഴിവുകള്‍..
കണ്ണൂര്‍ ഇന്റര്‍നാഷണല്‍ എയര്‍പോര്‍ട്ട് ലിമിറ്റഡ് ജൂനിയര്‍ ഓപ്പറേറ്റര്‍ (ഫയര്‍) ജോലി ഒഴിവുകള്‍ നികത്തുന്നതിനുള്ള അപേക്ഷ ക്ഷണിച്ചു. 18 തസ്തികളിലേക്കാണ് നിയമനം. ഓണ്‍ലൈന്‍ ആയിട്ടാണ് അപേക്ഷ സമര്‍പ്പിക്കേണ്ടത്. ജൂലൈ 10 വരെ അപേക്ഷ സമര്‍പ്പിക്കാം. തിരഞ്ഞെടുക്കപ്പെടുന്നവര്‍ക്ക് പ്രതിമാസം 25000 രൂപ ശമ്പളം ലഭിക്കും. അപേക്ഷകരുടെ പ്രായം 2025 ഏപ്രില്‍ 30 ന് പരമാവധി 24 വയസ് ആയിരിക്കണം. ബി ടി സി / തത്തുല്യമായ ഐ സി എ ഒ കോഴ്‌സുകള്‍ക്ക് യോഗ്യത നേടിയവര്‍ക്ക് പ്രായപരിധിയില്‍ മൂന്ന് വര്‍ഷത്തെ ഇളവും, എവിക്റ്റി വിഭാഗത്തില്‍പ്പെട്ടവര്‍ക്കും എക്‌സ്-സര്‍വീസ് മാന്‍ എന്നിവര്‍ക്ക് അഞ്ച് വര്‍ഷത്തെ ഇളവും നല്‍കും.
50% മാര്‍ക്കോ തത്തുല്യ ഗ്രേഡോ ഉള്ള പന്ത്രണ്ടാം ക്ലാസ് പാസായവരായിരിക്കണം അപേക്ഷകര്‍. എവിക്ടി വിഭാഗത്തില്‍പ്പെട്ടവര്‍ക്ക് പാസ് മാര്‍ക്ക് മാത്രം മതി. എയര്‍പോര്‍ട്ട് ഫയര്‍ ഫൈറ്റിംഗില്‍ ICAO സിലബസ് അടിസ്ഥാനമാക്കിയുള്ള അടിസ്ഥാന പരിശീലന സര്‍ട്ടിഫിക്കറ്റ്/തത്തുല്യ സര്‍ട്ടിഫിക്കറ്റ്, സാധുവായ ലൈറ്റ് മോട്ടോര്‍ വെഹിക്കിള്‍ ലൈസന്‍സ് എന്നിവ ഉണ്ടായിരിക്കണം.
നിയമനം ലഭിച്ച് ഒരു വര്‍ഷത്തിനുള്ളില്‍ ഉദ്യോഗാര്‍ത്ഥികള്‍ക്ക് HMV ലൈസന്‍സ് ലഭിക്കണം. അപേക്ഷകരുടെ ഉയരം 167 സെന്റി മീറ്ററില്‍ കുറയരുത്. സ്ത്രീ ഉദ്യോഗാര്‍ത്ഥികള്‍ക്ക് 162 സെന്റിമീറ്ററില്‍ കുറയാത്ത ഉയരം). നെഞ്ചളവ് സാധാരണ 81 സെന്റീമീറ്റര്‍, കുറഞ്ഞത് 5 സെന്റീമീറ്റര്‍ വികാസം (പുരുഷ ഉദ്യോഗാര്‍ത്ഥികള്‍ക്ക്) ഭാരം 55 കിലോഗ്രാമില്‍ കുറയരുത്. (സ്ത്രീ ഉദ്യോഗാര്‍ത്ഥികള്‍ക്ക് 45 കിലോഗ്രാമില്‍) .കാഴ്ച, കേള്‍വി, സംസാരം എന്നിവയെല്ലാം സാധാരണമായിരിക്കണം. ഇതിന്റെ മാനദണ്ഡങ്ങള്‍ വിജ്ഞാപനത്തില്‍ വ്യക്തമാക്കിയിട്ടുണ്ട്. ശാരീരിക വൈകല്യം, വിട്ടുമാറാത്ത രോഗങ്ങള്‍, വര്‍ണ്ണാന്ധത, രാത്രി അന്ധത, കണ്ണുചിമ്മല്‍, പരന്ന കാല്‍, വളഞ്ഞ കാലുകള്‍, മുട്ടുകുത്തി വീഴല്‍, അപവര്‍ത്തന പിശക് എന്നിവ അയോഗ്യതയായി കണക്കാക്കും. ഫയര്‍ സര്‍വീസില്‍ ജോലി ചെയ്യാനുള്ള ശാരീരിക ക്ഷമത നഷ്ടപ്പെട്ടതിനാല്‍ മേജര്‍ ശസ്ത്രക്രിയയ്ക്ക് വിധേയനാകരുത്.
ദീര്‍ഘകാലത്തേക്ക് ശാരീരിക സമ്മര്‍ദ്ദം സഹിക്കാന്‍ കഴിവുള്ളവരായിരിക്കണം. 500 രൂപയാണ് അപേക്ഷ ഫീസ്. ഡെബിറ്റ് കാര്‍ഡ്, ക്രെഡിറ്റ് കാര്‍ഡ്, നെറ്റ് ബാങ്കിംഗ് എന്നിവയിലൂടെ പരീക്ഷാ ഫീസ് അടയ്ക്കാം. എഴുത്തുപരീക്ഷ, ശാരീരിക പരിശോധന, നൈപുണ്യ പരിശോധന, ശാരീരിക കാര്യക്ഷമത പരിശോധന, വാഹന ഡ്രൈവിംഗ് നൈപുണ്യ പരിശോധന, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ ഉദ്യോഗാര്‍ത്ഥികളെ തിരഞ്ഞെടുക്കുക
