ഒമ്പതുകാരിയായ മകളെ പീഡിപ്പിച്ച കേസില് പിതാവിന്…
ഒമ്പതു വയസുകാരിയായ മകള്ക്കെതിരെ ലൈംഗിക അതിക്രമം നടത്തിയെന്ന കേസില് പിതാവിന് ജീവപര്യന്തം തടവും അമ്പതിനായിരം രൂപ പിഴയും ശിക്ഷ വിധിച്ച് ഇരിങ്ങാലക്കുട അതിവേഗ സ്പെഷല് കോടതി. പിഴയൊടുക്കാതിരുന്നാല് ആറുമാസത്തെ കഠിന തടവിനും കൂടാതെ ബാലാവകാശ നിയമപ്രകാരം ഒരു വര്ഷത്തെ കഠിനതടവിനുമാണ് ശിക്ഷിച്ചത്. ജഡ്ജ് വിവിജ സേതുമോഹനാണ് വിധി പ്രസ്താവിച്ചത്. 2013 ഏപ്രില് മുതല് 2016 ഫെബ്രുവരി 21 വരെയുള്ള കാലയളവിനുള്ളില് വാടകവീട്ടില്വച്ച് മകള്ക്കെതിരേ ലൈംഗിക അതിക്രമം നടത്തി പീഡിപ്പിച്ചു എന്നാണ് കേസ്. മതിലകം പൊലീസ് ചാര്ജ് ചെയ്ത കേസില് പ്രതിയായ 48 കാരനെയാണ് കോടതി ശിക്ഷിച്ചത്. പ്രോസിക്യൂഷന് ഭാഗത്ത് നിന്ന് 14 സാക്ഷികളെയും 15 രേഖകളും പ്രതിഭാഗത്തുനിന്ന് ഒരു സാക്ഷിയെയും ഹാജരാക്കി.
